Kutchi Maadu Rotating Header Image

Posts from ‘September, 2012’

श्री गणेशाय नमः

“Vakratunda Mahaakaaya Suryakotee Sama Prabha
Nirvighnam kuru mey Deva Sarva kaaryeshu Sarvadaa”

Kutchi Mein Arth
****************
He Ganesh bhagwan jenjo maha kaay sharir aay jenji sundh vareli aay ne jenjo tej karod suryein jedo aay
Aein munje menein karya mein hamesh archanein ke kaddha roja

Meaning
*******
O Lord Ganesha who has a large body, curved trunk and brightness of a million suns, please remove all obstacles in my work always.

कच्छजो मीं

कच्छ मे छॅले अठवाडेमे सारो वरसाद प्यो आय . वरसाद जे पाणी से पांजो कच्छ कॅडो खासो लगॅतो से नॅर्यॉ

‘ कूमका ‘

“कूमका”
******
(राग : गीरा है किसीका ञूमका…..)

चोटले लमेमें कूमका ,
रता पीळा शोभे वठा रेशमी ,(२)…..चोटले

शेरी मंजा रोज वंञे छोकरी रूपाडी,
कडे पेरे पंजाबी ने कडे पेरे साडी (२)
कनेमें मोतीजा जुमका
रता पीळा शोभे वठा रेशमी ,(२)…..चोटले

ट्को कढे कजर वजे अख अणियाणी,
हेलारो मथेते खणी रोज भरे पाणी (२)
जेरजा वजेता ठुमका,
रता पीळा शोभे वठा रेशमी ,(२)…..चोटले

त्रसंजाजो टाणो वो ने ‘ परभु  ‘मलइ सामी.
नेण मली रयाण क्यों नेहीयें भयोँ हामी (२)
अेंधाणी में डने कूमका,
रता पीळा शोभे वठा रेशमी ,(२)…..चोटले

Reference : http://dhufari.wordpress.com/

कच्छी जॉक्स :)

कच्छी जॉक्स :)
**************

आँउ चाँउ : रांध फिटूस

हरिहर
आँउ चाँउ :रांध फिटूस

आँउ: ’भा चाँउ, हि पांजी कच्छी भासा आय बोरी मुडसाईवारी भला’.
चाँउ: ’से त आय प तोके अञ किं खबर पिई’?
आँउ: ’यार, ईं चें त मिडे ता पण सच्ची खबर त अञ पिई’.
चाँउ: ’यार, गारा म चब मंढीने गाल कर’.
आँउ: ’एडो थियो क अञ आँउ मेळावे लाय अचिंधो हो सें तडें हिकडो माडु ओछतो रस्ते विच्च्में छणीने प्यो ने मरी व्यो’.
चाँउ: ’अडे, तो अईंए ज एडो ’भोराळो’ के जेडां विञें तेडांनु मोकाणजा समाचार खणी अचें तो.
पोय कुरो थ्यो? मुडधेके मसाणमें पोजायां क न’?
आँउ: ’न भा, तेस तईं त हिकडा बापा आया ने च्यों क धुनियामें केडा केडा ’विसध्ध’ माडु प्या
अईं.जीवधे त नतो आवडे प मरणुं केडां ईए खबर नती पे. भर रस्तेजे विच्चमें प्या मरें’.
चाँउ: ’पोय’?
आँउ: ’पोय बापाजो दखाडो सुणीने मुड्धो त धिरजीने उभो थ्यो ने चें, बापा माफ कजा भला, भुल थिई वई बापा, ईं चईने मुडधो उथीने बई बाजु रस्ते नीचे विञीं ने सुमी रयो’.

(more…)

आँउ चाँउ : हडताल मारें विधें

हरि बोल
आँउ चाँउ : हडताल मारें विधें

चाँउ: ’को भा आँउ अञ तोजी हिकडी भाझार भंध आय? अखते ही केडो कारो दाबलो बधे आय’?
आँउ: ’ही मिडे बेंकवारेजा ’दो’ अईं’.
चाँउ: ’को तो बेंकवारेसें मारामारी के’?
आँउ: ’न न, गाल एडी नाय प ईन पुठीयाँ वडी ”अंधरजी आखाणी’’ थिई विई’.
चाँउ: ’त भले सुणाय तोजे ध्ररधजी आखाणी’.
आँउ: ’यार आँउ दाकतर वटें मोतीएजो ’उपरेश’ करायला व्यओ हो सें’.
चाँउ: ’अडे तुं केडो ढंगधडे विगरजो माडु अईंएं. ईन गालमें विचाडो दाकतर केडां आयो’?
आँउ: ’या पूरी गाल त करे लाय दे. तुं तकडो बोरो भला’.
चाँउ: ’भले चो वेलो’.
आँउ: ’दाकतर चें ५०००/- थींधा. से आँउ कभूल क्या. त साहेब च्यों रोकडा दे. प आँउ त कितरा थिंधा ई खबर न हुई एतरे चेक खणी व्यो हो सें. से साहेबके दिनुं. पण साहेब
चें क चेक पास थिये पोय उपरेशन करींधोसें. चेक रखी विञ, २ दिं पोय अचीज. तेस
तईं तोजो चेक पाचो न आयो त पास थिई व्यो ईं समजी तोजो उपरेशन कंधासीं.
हाणे २ दि पोय आँउ उपरेशन ला व्योसें.

सहेब मुंके बांकडेते सुमारे ने मोंते ढक बधीने मिशीन मिशिन लगायों.
पंज दो मिलिटमें त मिडे पती व्यो. साहेब नईं अख लगाए दिनो.
ने साहेब मिडे समजायों विठे क ही ही धवा लगायजी, मेंणुं दिं न नायजो अखते
पाणी न पे से ध्यान रखेजो’.

(more…)