Kutchi Maadu Rotating Header Image

Posts on ‘April 1st, 2013’

મજા આય ઈનમેં !

ગઝલ
*****
ધરધ કે લિકાઈયું, મજા આય ઈનમેં
ખુસી કે વિરાઇઉ , મજા આય ઈનમેં

ન વે ગાલ નામે, છતાં ભીડ થિઈ પે
ઉતા જટ સિરાઇઉ, મજા આય ઇનમેં

રુને સે ન ધૂચે, અંધારા હીયે જા
ડીએ કે જગાઇઉ, મજા આય ઇનમેં

કુછો પા નતા સે, કુછેતી હી સૂરત
છડે ડે વડાઇઉ, મજા આંય ઇનમેં

હઝારે પુન્જે સે, અમી હી જુડેતો
કચ્છી મેં કુછાઇઉ, મજા આય ઇનમેં

બંધ -લગાગા લગાગા લગાગા લગાગા.

: જયેશ ભાનુશાલી “જયુ”