Kutchi Maadu Rotating Header Image

Posts under ‘Intellectual Kutchi’

पंज महत्वजा कार्य पांजे कच्छ ला

Jan 14th, 2013
by Jay जय.
3 comments

पांजी मातृभूमी कच्छ, मातृभासा कच्छी ने पांजी संस्कृति ही पांला करे अमुल्य अईं. अज कच्छ में ऊद्योगिक ने खेतीवाडी में विकास थई रयो आय. बारनूं अलग अलग भासा बोलधल माडु प कच्छमे अची ने रेला लगा अईं. हॅडे वखत मे पां पांजी भासा ने संस्कृति के संभार्यूं ही वधारे जरूरी थई व्यो आय. अमुक महत्व जा कार्य जे अज सुधी पूरा थई व्या हुणा खप्या वा ने जे अना बाकी अईं हेनमेजा जे मिणीयां वधारे महत्वजा अईं से नीचे लखांतो.

१. चोवी कलाक जो कच्छी टी.वी.चेनल
अज जे आधुनिक काल में जमाने भेरो हले जी जरूर आय. अज मडे टी.वी. ने ईंटरनेट सुधी पोजी व्यो आय. हॅडे मे पांजा कच्छी माडु कच्छी भासा मे संस्कृति दर्सन, भजन, मनोरंजन, हेल्थ जी जानकारी ने ब्यो घणें मडे नेरेला मगेंता ही सॉ टका सची गाल आय. हेनजे अभाव में पांजा छोकरा ने युवक पिंढजी ऑडखाण के पूरी रीते समजी सकें नता. खास करेने जे कच्छ जे बार रेंता हु कच्छी भासा ने संस्कृति थी अजाण थींधा वनेंता.
कच्छी टी.वी.चेनल ते चॉवी कलाक कच्छी भासा में अलग अलग जात जा प्रोग्राम जॅडीते न्यूज, सीरीयल, हास्य कलाकार, खेतीवाडी जा सवाल जवाब, भजन, योगा,….नॅरेला मलें त कच्छी माडु धोनिया में केडा प हुअें कच्छ हनींजे धिल जे नजीक रॅ ने कच्छ प्रत्ये ने कच्छी भासा प्रत्ये गर्व वधॅ. भेगो भेगो पिंढजी ऑडखाण मजबुत थियॅ. ही कार्य मिणींया महत्वजो आय.
२. स्कूल में १ थी १० सुधी कच्छी भासा जो अभ्यास
अज कच्छ जे स्कूल में बो भासाएँ में सखायमें अचॅतो गुजराती ने ईंग्लीस. कच्छी भासा जे पांजी मातृभाषा आय ने घणे विकसित आय ही हकडी प स्कूल नाय जेडा १ थी १० धोरण सुधी सखायमें अचींधी हुए. कच्छी भासा जे उपयोग के वधारे में अचॅ त ही कच्छीयें ला करे सारी गाल आय ने स्कूल में सखायमें अचे त हनथी सारो कोरो. भोज, गांधीघाम जॅडे सहेरें में जेडा बई कम्युनीटी ( गुजराती,सींधी,हींदीभाषी,….) जा माडु प रेंता होडा ओप्सनल कोर्स तरीके रखेमें अची सगॅतो. १ थी १० क्लास सुधीजो अभ्यासक्रम पांजा कवि, साहित्यकार ने शिक्षक मलीने लखें त हेनके स्कूल में सखायला कच्छी प्रजा मजबूत मांग करे सगॅती. जॅडीते गुजरात, महाराष्ट्र,…. मे मातृभासा जो अभ्यासक्रम त हुऍतोज.

(more…)

टीपो

Jan 14th, 2013
by Jay जय.
No comments yet
कॅरक वॅलो , कॅरक छॅलो,
कॅरक मॅलो, कॅरक धूचॅलो,
कॅरक धुरीयो, कॅरक नाय,
कॅरक ऊनी वाय ,
कॅरक मानसरोवर,
कॅरक हल्यो हरोहर,
कॅरक मॅरामण में,
कॅरक मांक रिण में.
कॅरक घा तें विठो,
कॅरक ध्रोड़ंधो जरणुं डिठो.
कॅरक ऊछर्यो,
कॅरक पथर्यो,
कॅरक वर्यो , नें तारे नें तर्यो,
कॅरक सिरी व्यो,
खुबो भलें नं हो भर्यो,
कित कितरा पंध,
वडरजी साधर,
कॅरक सुतो, भनीनें चाधर,
हिकड़ो टीपो पाणी,
टीपो पिंढ वडी आखाणी
: कवि गुलाब देढीया

कच्छी चोवक : संप तित सणियात

Dec 6th, 2011
by Kalpana.
No comments yet
जित संप आय तित सणियात आय ईन चोवकजी वारता न्यारीयुं. हिकडे़ पे जा चार पुतर हुवा .
कडेंक संपसे रोंधा हुवा त कडेंक , कारीयारो करींधा हुवा ईनीजें पे के ही खबर हुई ईतरे ईनींके हिन गालजी चिंधा थींधी हुई. पे जी छेल्ली मांधाई हुई तडें ईनींके हाणे लगोज मुंके हिकड़ी गाल छोकरें के समजाई डिणीं खपे. ईनीं चारोंय छोकरें के बोलायों ने च्यों हिकड़ी सनी लठ्ठ खणी अचो.
  छोकरा तेरंई हिकड़ी सनी लठ्ठ खणी आया.अधा च्यों ईनके तोडे़ विजो छोकरा तेरंई लठ्ठ के तोडे़ विधों.पोय अधा च्यों हाणे डॉ लठ्ठीयुं खणी अचो ने भेरीयुं करे ने बध्यो. छोकरा डॉ लठ्ठीयुं खणी आयाने  बध्यों. पोय अधा ईंनींके च्यों हाणे हिन के तोड़यो. छोकरा हिकडे़ बी सामुं न्यारण लगा.हिकडो़ छोकरो पे के चें अधा ही तां भेरीयुं अंई ईतरे न टुटें.
  हाणे अधा च्यों हिकड़ी सनी लठ्ठ तां अंई तेरंई तोडे़ सग्या पण ही मिडे़ भेरी लठ्ठीयुं टूटी सगें ईं नईं. ईन रीतें ज आंई चारोय भा संप सला सें रोंधा त आंई सुखसें रई सगधां कोय आंजो वार पण विंगो नई करे सगे पण ज छूटा थ्या ने आं विच्च कुसंप थ्यो त आंई मिडे़ विखो विखोथी वेंधा मुंजी गाल समज्या ? छोकरा ही गाल समज्या ने पिंढजे अधा के वचन डिनों ने च्यों असीं संपसें रोंधासीं आंके चिंधा करेजी जरुर नांय.
  छोकरेंजी गाल सुणी ईनींजे अधाजे आतमा के शांति थई.
कच्छी में चोवक जो अर्थ: लेखक अरविंद डी.राजगोर

Photographic Reminiscence of Krantiguru Pandit Shyamaji Krishnavarma

Dec 7th, 2010
by Jay जय.
3 comments
Great revolutionary Indian freedom fighter Pandit Shyamaji Krishnavarma contributed immensely to Indias Freedom movement through his revolutionary concept of non cooperation and establishment of Indian Home Rule Society. Panditji birthplace and home town is Madai(Mandvi),Kachchh. Through this book the Author Hemantkumar Gajanan Padhya has fulfilled his dream project of sincere tribute to the Great Freedom Fighter. The book has been launched today on www.Pothi.com an Indian publishers bookstore website .
Book Introduction
This is a photographic biography in tribute to the great revolutionary Indian freedom fighter, Pandit Shyamaji Krishnavarma. He began India’s Freedom movement in London, twenty years before Gandhiji entered into the arena of Indian Freedom movement. (more…)

वखत डिसीं ….

Sep 10th, 2010
by sachin.
3 comments
वखत डिसीं वॅवार ‘जानी’ ,
जगत मथे सउ कजा
वा वरंधे वरे विठी,
जीं मिंधर मथे धजा .
: कवि नेणसीं भानुसाली “जानी”
Vakhat desin veyvar ‘jaani’

(more…)

Indian Institute,Oxford gets Krantiguru Pandit Shyamji Krishna Vermas Portrait

Aug 2nd, 2010
by Jay जय.
No comments yet
On Monday 11 May, the Indian Institute received a new portrait for its collection to commemorate its little known association to the founder of the India Home Rule Society. Pandit Shyamji Krishna Varma (1857-1930) was a graduate of Balliol College and founder of the Indian Home Rule Society, India House and the Indian Sociologist. London’s India House was opened in 1905 as a hostel for Indian students, many of whom found it difficult to find accommodation while in England. The Indian Sociologist, launched the same year, was aimed at inspiring mass opposition to British rule and stimulated many intellectuals to fight for the freedom of India.

Although better-known as a political activist, Pandit Shyamji Krishnavarma was also a noted scholar of Sanskrit and other Indian languages. The portrait was generously donated to the library by Hemantkumar Gajanan Padhya, the President of the Hindu Swatantryavir Smruti Sansthanam, Milton Keynes, and a regular reader in the Indian Institute Reading Room.

Thanks to Hemantbhai for providing us with the details .

ગાલ ભનેં ઈ પાંજી !

Jul 4th, 2010
by Jay जय.
2 comments
આંઉં ચાં સે મુંજી ગાલ
અઇં ચો સે આંજી
મિલી કરે જ પાં કૂછોં
ત , ગાલ ભનેંઈ પાંજી.
:કવિ નેણશીં ભાનુશાલી “જાની”

मिणें न ….

Jul 4th, 2010
by sachin.
No comments yet
मिणें न वें माठा जगमें
मिणें न वें कीं भला ,
तीं सजण हिन संसार में
कोक पिछाणीं कला .
: कवि नेणसीं भानुसाली “जानी”

સમાજ

Jun 28th, 2010
by Jay जय.
2 comments
માડુ હલેં બીં પગેં,
સમાજ જા પાઈયા ચાર .
હિકડા સાધુ સંત ,
બ્યા ડાનીં નેં દાતાર .
ત્રેયા બુધ્ધિજે બર મથે,
કરીએં વાટ વતાર .
ચોથો રક્ષણહાર પાઈઓ ,
હથ ખણ હથિયાર .
:કવિ નેણશીં ભાનુશાલી “જાની”

नमजे एतरो …

Jun 19th, 2010
by Jay जय.
No comments yet
“जानी” नमजे एतरो,
नमे जेतरो कंध,
ऊ खपी वेया नाधान में,
जें छडई नमे जी हंध
: कवि नेणसीं भानुसाली “जानी”
← Earlier Posts
Newer Posts →