Kutchi Maadu Rotating Header Image

Posts under ‘Kutchi Lokgeet’

नाखुवा : कच्छी कविता

नाखुवा , होडी़ हाकार ! नाखुवा ,
नाखुवा , होडी़ हाकार !
विञणुं सामे पार ! नाखुवा,
नाखुवा , होडी़ हाकार ! …
वा तूफानी वंइये ता सामे , लह्ररयुं डुंगर धार !
विज वराका, वडर गज्जें, मिंय प मुसलधार
कंधी का आर न पार ! नाखुवा ,
नाखुवा , होडी़ हाकार ! …
नॉलो मुसाफिर अइयें तुं भी, नॉली धरियावाट !
आय पुराणी तोजी होडी़ , पूरी नांय आलाघ !
हथ तॉजा पतवार ! नाखुवा ,
नाखुवा , होडी़ हाकार !
सिक ज सच्ची आय मन में , महभूभ मिलण मनठार !
हेंमथ हिंयें में रक्खी ने तुं , होडी़ तुंहीं जी हाकार !
मौला थींधो मधधगार ! नाखुवा,
नाखुवा , होडी़ हाकार !
: माधव जोशी “अश्क”

माडी तोझी मानी : कच्छी गीत

मिणियां मूंके मिठी लगेती माडी तोझी मानी
माडी तोझी मानी में तां जोबन जोम जुवानी ….. मिणियां
धींगी कच्छडेजी धरती, धींगी बाजरजी मानी
धींगा तोजा हथडा माडी , धींगो कच्छी पाणी …… मिणियां
मेमाणें के मेमानीमें मान ज डींधल मानी
देवेंके पण दुरलभ एडो दान ज तोजो दानी …… मिणियां
माडी तोजे हथजी मानी , मुंजी इज कमाणी,
‘काराणी’ चे अमरत जेडी, मिठडी माजी मानी …… मिणियां
: कवी दुलेराय काराणी

Kachchhi Lokgeet !

Matho Panje Kachchh Jho Paani !

Kachchh jho Golado Matho!
(more…)

Kachchhi Gajiyo !

Kutchi Folk Dance Gajiyo Performed by bhagini Samaj , Madai (Mandvi) Branch

Gajiyo performed with a different style (below video)!
(more…)

Kutchi Music Instrumentals

Shehnai Prabhatia
Shehnai Prabhatia by Jusab Sumar Langa
(more…)

Kutch Jo Sangeet !

Panjo kutchi sangeet ane panja lokgeet hi metha and dhil ke chui vane eda aein . Enmeja thoda album je manike gamein se aein :

Glimpse of Kutchi Music (on itunes and emusic)
Sounds of Kutch (instrumental) , (on itunes and emusic) (more…)

Metha re paa kutch ja maadu !



Kutchi Gajiyo


Welcome !

Kein Aayo !  Welcome all Kutchis (Kachchhis, Kachhis) to Kutchi Maadu , where you are free to discuss, Blog your thoughts and share information on any topic you choose.

Jai Kachchh !
Jai Ashapura Mataji !

Jay
KutchiMaadu Team