Posts under ‘Kutchi Kavita,Chovak,Sahitya (Poetry, Quotes, Literature)’
सोख अचींधो उर्या
जींयण में त
सोख डोख अचॅं प्या
खिली ने हल
डोख थींये तीं पर्या
सोख अचींधो उर्या
*- वसंत मारू…चीआसर*
सोख डोख अचॅं प्या
खिली ने हल
डोख थींये तीं पर्या
सोख अचींधो उर्या
*- वसंत मारू…चीआसर*
थीए मन राजी
थीए मन राजी
सूणी पिंढजा वखाण, थीए मन राजी
वांची पिंढजा लिखाण, थीए मन राजी
लिकधे डिठो एंकार, चितमें गूसयो चड़ीने
विठो विछाई विछाण,थीए मन राजी
कढणूं बोरो आकरो, निकरे नतो बारा
गरवजो रखे बंधाण, थीए मन राजी
डीं उगेने नित खपे, हले न जिरा वार
उठीने गिने पूछाण, थीए मन राजी
निसडो भनी फिरेतो,करे आतमजी हाण
कांत गिनणूं संधाण,थीए मन राजी
कच्छ मोलक
डान,धरम नॅ डयाजी
डॉलत सें भर्यो ही
कच्छ मोलक पांजो कॉडीलो
मान पान ने मोडसाई
मॉभत भर्यो आय
हिक हिकडो कच्छी मॉजीलो
अमृताबा
डॉलत सें भर्यो ही
कच्छ मोलक पांजो कॉडीलो
मान पान ने मोडसाई
मॉभत भर्यो आय
हिक हिकडो कच्छी मॉजीलो
अमृताबा
मोभाइल जे ऑटे ते
वीयारुं करीने अचो,मोभाईल जे ऑटे ते
निरांत भरीने अचॉ, मोभाइल जे ऑटे ते
डोसा डोसी पांजा सजी जमार विठा
उ जाध करीने अचो,मोभाइल जे ऑटे ते
सीम सेड़े जा कम, थकया पकया वे भारी
विगर थकीने अचो,मोभाइल जे ऑटे ते
घरमें जेणा जितरा मोभाइल हले ईतरा
फेसबुक छडीने अचो,मोभाइल जे ऑटे ते
कांत नाय गाडी घोड़े जिलेजी चिंधा
घर खणीने अचो,मोभाइल जे ऑटे ते
:कांत
निरांत भरीने अचॉ, मोभाइल जे ऑटे ते
डोसा डोसी पांजा सजी जमार विठा
उ जाध करीने अचो,मोभाइल जे ऑटे ते
सीम सेड़े जा कम, थकया पकया वे भारी
विगर थकीने अचो,मोभाइल जे ऑटे ते
घरमें जेणा जितरा मोभाइल हले ईतरा
फेसबुक छडीने अचो,मोभाइल जे ऑटे ते
कांत नाय गाडी घोड़े जिलेजी चिंधा
घर खणीने अचो,मोभाइल जे ऑटे ते
:कांत
बोजांतो
बोजांतो
——–‐—–
संत निइया त कोर थओ
धरम करम जा पंध बोजांतो
अखींएं जे आरीसे केतरा
लज़ सरम जा बंध बोजांतो
साधु थे पोय साध भने सें
जींयण जंग भनी पॅ जानी
डुखड़ा सिइने जग़ में रिइने
कीं ग़नणू आनंध बोजांतो
🙏🏻✍✍✍🙏🏻
नेणशीं भानुशाली जानी
——–‐—–
संत निइया त कोर थओ
धरम करम जा पंध बोजांतो
अखींएं जे आरीसे केतरा
लज़ सरम जा बंध बोजांतो
साधु थे पोय साध भने सें
जींयण जंग भनी पॅ जानी
डुखड़ा सिइने जग़ में रिइने
कीं ग़नणू आनंध बोजांतो
🙏🏻✍✍✍🙏🏻
नेणशीं भानुशाली जानी
इगीया थी तूं
इगीया वधेला संघर थी तूं!
वाट भधली सधर थी तूं!
सुकल भोमकाके भिजायला,
मिठे नीरजो वडर थी तूं!
कामण कजरारी अखीयें जो,
आंञण अखजो सखर थी तूं!
थधी थधी थधकार डिईने,
फुल मथे विलजो अतर थी तूं!
भाग(निसीभ) तॉजो लिखेला करी
कोरे कागर ते लिखांधल अखर थी तूं!
कवयित्री : भारती गडा
वाट भधली सधर थी तूं!
सुकल भोमकाके भिजायला,
मिठे नीरजो वडर थी तूं!
कामण कजरारी अखीयें जो,
आंञण अखजो सखर थी तूं!
थधी थधी थधकार डिईने,
फुल मथे विलजो अतर थी तूं!
भाग(निसीभ) तॉजो लिखेला करी
कोरे कागर ते लिखांधल अखर थी तूं!
कवयित्री : भारती गडा
पोछा करीजा
🙏🏻पोछा करीजा🙏🏻
केर थकी प्यो केर मतो? पुछा करीजा
कोय भुख्यो रे त नतो? पुछा करीजा
कम जेंजा भंध अइं ऊ कीं करींता?
घर में आय अटोभतो? पोछा करीजा
सरम सेड઼े रखी पेट भरे जा डीं आया
सरम जे गारे केर गतो? पोछा करीजा
हथ लमूं न केंओ जिनी जिंधगी में
ऊ कीं रखेंता मों रतो? पोछा करीजा
धवा करींधल खुध धरधी थिइ प्या
कढण उनीजो अतोपतो पोछा करीजा
✍✍✍✍✍
नेणशीं भानुशाली जानी
केर थकी प्यो केर मतो? पुछा करीजा
कोय भुख्यो रे त नतो? पुछा करीजा
कम जेंजा भंध अइं ऊ कीं करींता?
घर में आय अटोभतो? पोछा करीजा
सरम सेड઼े रखी पेट भरे जा डीं आया
सरम जे गारे केर गतो? पोछा करीजा
हथ लमूं न केंओ जिनी जिंधगी में
ऊ कीं रखेंता मों रतो? पोछा करीजा
धवा करींधल खुध धरधी थिइ प्या
कढण उनीजो अतोपतो पोछा करीजा
✍✍✍✍✍
नेणशीं भानुशाली जानी