खेतर रेया खेड नुं …
ने खरा थई वेया खोटा..
वडील वेया वाट गेनी….
त गाम में वधी पेया ओटा…
रुपीयें लां करे माडु,
नीति के आय भुलेयो……
रुपीयें लां करे माडु,
खोटे धंधे में आय फसायो…
धोड -धक करें तोय ,
न मेले नवडां……
नवडा मेलायेलां ,
उधां – सुधां करे गतकडां…..
डोलर आय उचों ने,
रुपीयो आय नीचों……
ईन में माडु जो ,
कीं भराजे खींचो…….
उधार खणी ने प माडु,
करे खोटा धंधा……
पोय ईन में माडु जा ,
कीं अचे संधा……
रुपीयें जी लालच में,
माडु करे मथामण……
रुपीया खटेलां थीये,
माडु कीं जो कीं हेराण……
खरेखर आय ई ,
“रुपीयें जी रामायण”,
से जींदगी भर खोटेवारी,
नांय ई “रुपीयें जी रामायण”.
ऐंडे पाजे कच्छडे ते
केर करी शगे वार
मूजे कच्छडे ते
आय मूंके प्यार
भुकंप ने वावाजोडो
गच वधी वेया
हणे धरा नति जले भार
विनती करियांतो
हर कच्छी ते ऐ
न करयॉ अत्याचार
मूंजे कच्छडे ते आय
मूंके प्यार
अनीति छडी
नीती रखो
करयो घर्म जो प्रचार
सचे मारगे पा
हलधाशी त
कलयुग थींधो लाचार
मूंजे कच्छडे ते आय
मूंके प्यार
काजू ख्यो
पेसता ख्यो
भेगा भधाम ख्यो
वडे वडे स्टेज ते व्यों
सारा सारा भजन ग्यो
तोय असां जेड़े नेढे
माडुए भेगो व्यो.
कच्छी माडू असीं
बाजर जी मानी खियुन्ता
वट करे घाटी छाय पियुन्ता
सचे धेल थी नवे वरेज्यूँ
शुभ कामनाऊं दियुन्ता….
साल मुबारक…. साल मुबारक….. साल मुबारक
जय माताजी!
