श्री गुणेसडेव आरती
कच्छी : श्री गुणेसडेव आरती🙏
जय जय गुणेसा, जय गणराया
ईछापूर्णा, सिध्धि विनायका
शंकर दुलारा, पार्वती जाया
कार्तिक भाया, डेवगणमें सवाया
जय जय गुणेसा…..
निंढी अखीयूं डींए संडेस
लक्ष ध्यानमें रखे थीओ एकाग्र
ज ई सीखसे कम कयो त
खोटे रस्तें अईं कडें न चडो઼
जय जय गुणेसा….
सुप जॅडा઼ कन, निंढो मों ईं चॅंता
वधू सुणૉ, कम विगर न कुछૉ
लमूं नक चॅ, चૉफेर वा के जाणૉ
जीयण डिसजी आवडत सिखૉ
जय जय गुणेसा…..
हाथी मथो चॅ बूधीवान भनૉ
वडो पेट सिखाय गंभीर भनૉ
बेकाबू ईछासे असांती सरजाजॅ
ऊंधर सवारी ई तर्क समजायं
जय जय गुणेसा…
हिकडंध लेखाणां जगरक्षक
विघ्नहर्ता डेव विघन हर
मंगलमूर्ती कईंए मंगल
डुंडाडा઼डेव के कोटी नमन
जय जय गुणेसा……
गणनायक ज्ञाननिधानां गुण गाया
सजे बिरमांडमें श्री गुणेस पूजाणां
विद्यासुख दाया, रिध्धि सिध्धि दाया
भक्त ‘मन’ते रखजा छतरछाया
जय जय गुणेसा…..
रचयिता: मनीषा अजय वीरा ‘मन’〽️
ता. २७/९/२०२३
કચ્છી : શ્રી ગુણેસડેવ આરતી🙏
જય જય ગુણેસા, જય ગણરાયા
ઈછાપૂર્ણા, સિધ્ધિ વિનાયકા
શંકર દુલારા, પાર્વતી જાયા
કાર્તિક ભાયા, ડેવગણમેં સવાયા
જય જય ગુણેસા…..
નિંઢી અખીયૂં ડીંએ સંડેસ
લક્ષ ધ્યાનમેં રખે થીઓ એકાગ્ર
જ ઈ સીખસે કમ કયો ત
ખોટે રસ્તેં અઈં કડેં ન ચડો઼
જય જય ગુણેસા….
સુપ જૅડા઼ કન, નિંઢો મોં ઈં ચૅંતા
વધૂ સુણૉ, કમ વિગર ન કુછૉ
લમૂં નક ચૅ, ચૉફેર વા કે જાણૉ
જીયણ ડિસજી આવડત સિખૉ
જય જય ગુણેસા…..
હાથી મથો ચૅ બૂધીવાન ભનૉ
વડો પેટ સિખાય ગંભીર ભનૉ
બેકાબૂ ઈછાસે અસાંતી સરજાજૅ
ઊંધર સવારી ઈ તર્ક સમજાયં
જય જય ગુણેસા…
હિકડંધ લેખાણાં જગરક્ષક
વિઘ્નહર્તા ડેવ વિઘન હર
મંગલમૂર્તી કઈંએ મંગલ
ડુંડાડા઼ડેવ કે કોટી નમન
જય જય ગુણેસા……
ગણનાયક જ્ઞાનનિધાનાં ગુણ ગાયા
સજે બિરમાંડમેં શ્રી ગુણેસ પૂજાણાં
વિદ્યાસુખ દાયા, રિધ્ધિ સિધ્ધિ દાયા
ભક્ત ‘મન’તે રખજા છતરછાયા
જય જય ગુણેસા…..
રચયિતા: મનીષા અજય વીરા ‘મન’〽️
તા. ૨૭/૯/૨૦૨૩
कच्छ अलग राज्य भनायला आह्वान
कच्छ मे वधारेमे वधारेमे रोजगारजी तकुं ओभी करेला मिणीं कच्छीयें के अरज आय.
मिणींके कच्छी भासा मेज बोलेजी अरज आय.
जय कच्छ !
मिणींके कच्छी भासा मेज बोलेजी अरज आय.
जय कच्छ !
पंज महत्वजा कार्य पांजे कच्छ ला
पांजी मातृभूमी कच्छ, मातृभासा कच्छी ने पांजी संस्कृति ही पांला करे अमुल्य अईं. अज कच्छ में ऊद्योगिक ने खेतीवाडी में विकास थई रयो आय. बारनूं अलग अलग भासा बोलधल माडु प कच्छमे अची ने रेला लगा अईं. हॅडे वखत मे पां पांजी भासा ने संस्कृति के संभार्यूं ही वधारे जरूरी थई व्यो आय. अमुक महत्व जा कार्य जे अज सुधी पूरा थई व्या हुणा खप्या वा ने जे अना बाकी अईं हेनमेजा जे मिणीयां वधारे महत्वजा अईं से नीचे लखांतो.
१. चोवी कलाक जो कच्छी टी.वी.चेनल
अज जे आधुनिक काल में जमाने भेरो हले जी जरूर आय. अज मडे टी.वी. ने ईंटरनेट सुधी पोजी व्यो आय. हॅडे मे पांजा कच्छी माडु कच्छी भासा मे संस्कृति दर्सन, भजन, मनोरंजन, हेल्थ जी जानकारी ने ब्यो घणें मडे नेरेला मगेंता ही सॉ टका सची गाल आय. हेनजे अभाव में पांजा छोकरा ने युवक पिंढजी ऑडखाण के पूरी रीते समजी सकें नता. खास करेने जे कच्छ जे बार रेंता हु कच्छी भासा ने संस्कृति थी अजाण थींधा वनेंता.
अज जे आधुनिक काल में जमाने भेरो हले जी जरूर आय. अज मडे टी.वी. ने ईंटरनेट सुधी पोजी व्यो आय. हॅडे मे पांजा कच्छी माडु कच्छी भासा मे संस्कृति दर्सन, भजन, मनोरंजन, हेल्थ जी जानकारी ने ब्यो घणें मडे नेरेला मगेंता ही सॉ टका सची गाल आय. हेनजे अभाव में पांजा छोकरा ने युवक पिंढजी ऑडखाण के पूरी रीते समजी सकें नता. खास करेने जे कच्छ जे बार रेंता हु कच्छी भासा ने संस्कृति थी अजाण थींधा वनेंता.
कच्छी टी.वी.चेनल ते चॉवी कलाक कच्छी भासा में अलग अलग जात जा प्रोग्राम जॅडीते न्यूज, सीरीयल, हास्य कलाकार, खेतीवाडी जा सवाल जवाब, भजन, योगा,….नॅरेला मलें त कच्छी माडु धोनिया में केडा प हुअें कच्छ हनींजे धिल जे नजीक रॅ ने कच्छ प्रत्ये ने कच्छी भासा प्रत्ये गर्व वधॅ. भेगो भेगो पिंढजी ऑडखाण मजबुत थियॅ. ही कार्य मिणींया महत्वजो आय.
२. स्कूल में १ थी १० सुधी कच्छी भासा जो अभ्यास
अज कच्छ जे स्कूल में बो भासाएँ में सखायमें अचॅतो गुजराती ने ईंग्लीस. कच्छी भासा जे पांजी मातृभाषा आय ने घणे विकसित आय ही हकडी प स्कूल नाय जेडा १ थी १० धोरण सुधी सखायमें अचींधी हुए. कच्छी भासा जे उपयोग के वधारे में अचॅ त ही कच्छीयें ला करे सारी गाल आय ने स्कूल में सखायमें अचे त हनथी सारो कोरो. भोज, गांधीघाम जॅडे सहेरें में जेडा बई कम्युनीटी ( गुजराती,सींधी,हींदीभाषी,….) जा माडु प रेंता होडा ओप्सनल कोर्स तरीके रखेमें अची सगॅतो. १ थी १० क्लास सुधीजो अभ्यासक्रम पांजा कवि, साहित्यकार ने शिक्षक मलीने लखें त हेनके स्कूल में सखायला कच्छी प्रजा मजबूत मांग करे सगॅती. जॅडीते गुजरात, महाराष्ट्र,…. मे मातृभासा जो अभ्यासक्रम त हुऍतोज.
अज कच्छ जे स्कूल में बो भासाएँ में सखायमें अचॅतो गुजराती ने ईंग्लीस. कच्छी भासा जे पांजी मातृभाषा आय ने घणे विकसित आय ही हकडी प स्कूल नाय जेडा १ थी १० धोरण सुधी सखायमें अचींधी हुए. कच्छी भासा जे उपयोग के वधारे में अचॅ त ही कच्छीयें ला करे सारी गाल आय ने स्कूल में सखायमें अचे त हनथी सारो कोरो. भोज, गांधीघाम जॅडे सहेरें में जेडा बई कम्युनीटी ( गुजराती,सींधी,हींदीभाषी,….) जा माडु प रेंता होडा ओप्सनल कोर्स तरीके रखेमें अची सगॅतो. १ थी १० क्लास सुधीजो अभ्यासक्रम पांजा कवि, साहित्यकार ने शिक्षक मलीने लखें त हेनके स्कूल में सखायला कच्छी प्रजा मजबूत मांग करे सगॅती. जॅडीते गुजरात, महाराष्ट्र,…. मे मातृभासा जो अभ्यासक्रम त हुऍतोज.
आऊं तिरंगो
Independence song First time in kutchchi language: आऊं तिरंगो🇮🇳on K3 kutchchi YouTube channel
गीतकार : मनीषा अजय वीरा ‘मन’
संगीतकार: जयेश नरोत्तम आशर
गायिकी: अंकिता जीगर देढीया, जयेश नरोत्तम आशर
कोरस: सुनील शरद विश्राणी, जयश्री राहुल देढिया, हरेश मुरजी गाला
डिरेक्टर: सुनिल शरद विश्राणी
एडिटर: मुकेश देढिया ‘मानव’
—————
*आऊं तिरंगो…..lyrics*
आऊं तिरंगो आजाधी सें फिरकांतो
‘जन गण मन’ राष्ट्रगान गाईंधे लॅरांतो
भारतीयें जे धिलमें आऊं राज कईंआतो
“वंदे मातरम्” “जयहिंद” नारा गजाईंधे
भारत जे ‘विजयपथ’ ते शानसें हलांतो
मूं धૉरो रङ सांती डियेतो
नें लीलो खुसीजो प्रतिक चૉवाजॅतो
केसरीयो तां तीलक थिई ने सोभेतो
नें ‘अशोकचक्र’ मईमा मूंजो वधायतो
आऊं तिरंगो आजाधी सें फिरकांतो
गांधी बोझ पटेल नहेरु तिलक जोरधार
लाला ते तां थेआ भारी लाठी अत्याचार
भगतसिंह सुखदेव राजगुरु फांसी चड्या वा
कच्छ जा श्यामजी कृष्ण वर्मा क्रांतिकारी वा
आऊं तिरंगो आजाधी सें फिरकांतो
छाभास आय जनम डींधल माइतरेंके
चाग઼लेंके रजा डींधे कारा असू न वतांया
मान आय सहीधेंजी कुरभानी ते
सन्मानसें ऊनींजी ननामी ते सुमांतो
आऊं तिरंगो आजाधी सें फिरकांतो
भ्रष्टाचार आतंकवाध के पाठ सिखाईंधॅ
डेसविडेस प्रगतीजी भारत जलें आय वाट
सुखसांती समृध्धीजा ‘मन’पाया खૉडीयांतो
डेसजी मिटी जी फोरुं धुनीयाभरमें फૉराईंयातो
आऊं तिरंगो आजाधी सें फिरकांतो
*मनीषा अजय वीरा ‘मन’*
मुंबई
First time in kutchchi language: આઊં તિરંગો🇮🇳on K3 kutchchi YouTube channel
ગીતકાર : મનીષા અજય વીરા ‘મન’
સંગીતકાર: જયેશ નરોત્તમ આશર
ગાયિકી: અંકિતા જીગર દેઢીયા, જયેશ નરોત્તમ આશર
કોરસ: સુનીલ શરદ વિશ્રાણી, જયશ્રી રાહુલ દેઢિયા, હરેશ મુરજી ગાલા
ડિરેક્ટર: સુનિલ શરદ વિશ્રાણી
એડિટર: મુકેશ દેઢિયા ‘માનવ’
—————
*આઊં તિરંગો…..lyrics*
આઊં તિરંગો આજાધી સેં ફિરકાંતો
‘જન ગણ મન’ રાષ્ટ્રગાન ગાઈંધે લૅરાંતો
ભારતીયેં જે ધિલમેં આઊં રાજ કઈંઆતો
“વંદે માતરમ્” “જયહિંદ” નારા ગજાઈંધે
ભારત જે ‘વિજયપથ’ તે શાનસેં હલાંતો
મૂં ધૉરો રઙ સાંતી ડિયેતો
નેં લીલો ખુસીજો પ્રતિક ચૉવાજૅતો
કેસરીયો તાં તીલક થિઈ ને સોભેતો
નેં ‘અશોકચક્ર’ મઈમા મૂંજો વધાયતો
આઊં તિરંગો આજાધી સેં ફિરકાંતો
ગાંધી બોઝ પટેલ નહેરુ તિલક જોરધાર
લાલા તે તાં થેઆ ભારી લાઠી અત્યાચાર
ભગતસિંહ સુખદેવ રાજગુરુ ફાંસી ચડ્યા વા
કચ્છ જા શ્યામજી કૃષ્ણ વર્મા ક્રાંતિકારી વા
આઊં તિરંગો આજાધી સેં ફિરકાંતો
છાભાસ આય જનમ ડીંધલ માઇતરેંકે
ચાગ઼લેંકે રજા ડીંધે કારા અસૂ ન વતાંયા
માન આય સહીધેંજી કુરભાની તે
સન્માનસેં ઊનીંજી નનામી તે સુમાંતો
આઊં તિરંગો આજાધી સેં ફિરકાંતો
ભ્રષ્ટાચાર આતંકવાધ કે પાઠ સિખાઈંધૅ
ડેસવિડેસ પ્રગતીજી ભારત જલેં આય વાટ
સુખસાંતી સમૃધ્ધીજા ‘મન’પાયા ખૉડીયાંતો
ડેસજી મિટી જી ફોરું ધુનીયાભરમેં ફૉરાઈંયાતો
આઊં તિરંગો આજાધી સેં ફિરકાંતો
*મનીષા અજય વીરા ‘મન’*
*મુંબઈ – બોરીવલી*
कुल्फीवारो
कुल्फीवारो
धोमधुखंधे काडे में ई साईकल हलायतो
कुल्फी…मलाई कुल्फी… ईं सड फिरायतो
धोमधुखंधे काडे में ई साईकल हलायतो
कुल्फी…मलाई कुल्फी… ईं सड फिरायतो
पाणी वारी पंजके ने डूधवारी डसके डेतो
मलाईवारी सेम्पल जो वीसको पडायतो
गामेगाम ने सेरींये सेरीयें ऊनारे धोड઼ेतो
पिंढ पसीने नांई ने बॅंके ई थधो करायतो
चोक नांके उभो रिई थोड઼ो वेसा खणेंतो
राजीपे टाबरीयें के वध्योमाल खारायतो
वडानिंढा मिणीसे रोजजो इनजो नातो
विनंधे विनंधे वसंत ई बरफ प पीरायतो
*- वसंत मारू… चीआसर*
(निंढपण जी हिकडी जाध…कुल्फीवारो)
*કુલ્ફીવારો*
ધોમધુખંધે કાડ઼ે મેં ઈ સાઈકલ હલાયતો
કુલ્ફી…મલાઈ કુલ્ફી… ઈં સડ ફિરાયતો
પાણી વારી પંજકે ને ડૂધવારી ડસકે ડેતો
મલાઈવારી સેમ્પલ જો વીસકો પડાયતો
ગામેગામ ને સેરીંયે સેરીયેં ઊનારે ધોડ઼ેતો
પિંઢ પસીને નાંઈ ને બૅંકે ઈ થધો કરાયતો
ચોક નાંકે ઉભો રિઈ થોડ઼ો વેસા ખણેંતો
રાજીપે ટાબરીયેં કે વધ્યોમાલ ખારાયતો
વડાનિંઢા મિણીસે રોજજો ઇનજો નાતો
વિનંધે વિનંધે વસંત ઈ બરફ પ પીરાયતો
*- વસંત મારૂ… ચીઆસર*
(નિંઢપણ જી હિકડ઼ી જાધ…કુલ્ફીવારો)
कच्छी कवि सम्मलेन Dombivili , पनवेल Kavi Sammelan Mumbai
Kavi Sammelan Mumbai
https://www.youtube.com/live/gMisAPpb8H0?si=X2DS4Q7LJDCTjtGN
Panvel, Mumbai –> https://www.youtube.com/watch?v=ENR66eqdFDc
