तेज वाणी !
: कवि तेजपाल धारसीं नागडा “तेज”
डेसी बावर कच्छजो
सीम सेड़े बावरीयो उभो,
कंढेधार बावरीयो उभो,
रजोटी जॅड़े पीरें फूलड़े,
खबरदार बावरीयो उभो !
बकरी नेढू पन चलरेंती,
कीड़ी माकुड़ीअें ह़ार हलेंती,
गूंध जिवे प्यो घाटो थुड़में,
घटाधार बावरीयो ऊभो ! .. सीम…
सोटीयुं ईनज्युं लम्युं लम्युं,
डनणला ई गमयुं गमयु,
गरीभ गुरबें बायणला कर,
वफादार बावरीयो ऊभो ! ..सीम…
कितक तराजी पार उभो ,
कितक गस, गडावट ऊभो,
वाडी भगीचें मों न विजे,
चॉकीधार बावरीयो ऊभो ! ..सीम…
मों पची पोंधे पन चबीजा ,
सेड़े कंढारी वाड़ राखीजा,
बावर खासो त मिंजा वासो,
कच्छ आधार बावरीयो ऊभो
कंढेधार बावरीयो उभो,
रजोटी जॅड़े पीरें फूलड़े,
खबरदार बावरीयो उभो !
बकरी नेढू पन चलरेंती,
कीड़ी माकुड़ीअें ह़ार हलेंती,
गूंध जिवे प्यो घाटो थुड़में,
घटाधार बावरीयो ऊभो ! .. सीम…
सोटीयुं ईनज्युं लम्युं लम्युं,
डनणला ई गमयुं गमयु,
गरीभ गुरबें बायणला कर,
वफादार बावरीयो ऊभो ! ..सीम…
कितक तराजी पार उभो ,
कितक गस, गडावट ऊभो,
वाडी भगीचें मों न विजे,
चॉकीधार बावरीयो ऊभो ! ..सीम…
मों पची पोंधे पन चबीजा ,
सेड़े कंढारी वाड़ राखीजा,
बावर खासो त मिंजा वासो,
कच्छ आधार बावरीयो ऊभो
: आईदान खीमकरण गढवी “देवी पुत्र”
नानाणें जो गाम
केर हलूंता पां फरादी
नानीमा जो वाण फरादी
नानीमा जो वाण फरादी
ऊ लिज्जत मिठांस किडां अइं ?
भांढु हिकडे भाण फरादी.
भांढु हिकडे भाण फरादी.
कंडील जे जांके ऊजारे
रात सजीजी रेयाण फरादी.
रात सजीजी रेयाण फरादी.
मेडी ते मेडावा मेडा
मोभतजी त खाण फरादी.
मोभतजी त खाण फरादी.
संभरें ऊ डीं सॉणें जेडा ,
मनगमधो रहेठाण फरादी.
मनगमधो रहेठाण फरादी.
धूडमिटी ते पघरा पगला
हाणे थ्या मॅमाण फरादी.
हाणे थ्या मॅमाण फरादी.
धिल धूपेडो बॉके तो , ने
समरण जो लोभाण फरादी.
समरण जो लोभाण फरादी.
: दक्षा संघवी
नगर ही
[गजल]
कुर खबर केंके लजॅतो नगर ही ?
चिंई भरा कॅडो भजॅतो नगर ही !
चिंई भरा कॅडो भजॅतो नगर ही !
साव थोडी सांतीजी सोध में
रात डीं नॅर्यो , गजॅतो नगर ही !
रात डीं नॅर्यो , गजॅतो नगर ही !
केंक जा लाय सणगार नें
कोड से वडे सजॅतो नगर ही !
कोड से वडे सजॅतो नगर ही !
न आयो-वयो कीं पुछॅतो केंके !
कॅडो वडप में , वजॅतो नगर ही ?
कॅडो वडप में , वजॅतो नगर ही ?
कुला डई ऊभा अईं, मिडे हित !
नॅरीयूं कँ वटा , खजॅतो नगर ही !
नॅरीयूं कँ वटा , खजॅतो नगर ही !
: जयेस भानुसाली “जयु”
कच्छी जॉक्स
कच्छी जॉक्स 🙂
**************
**************
ના છડિયાં હથિયાર
ના છડિયાં હથિયાર
**************
**************
અલ્લાલા બેલી
અલ્લાલા બેલી
અલ્લાલા બેલી
અલ્લાલા બેલી
અલ્લાલા બેલી
ના છડિયાં હથિયાર
અલ્લાલા બેલી
ના છડિયાં હથિયાર
મરણે જો હકડીવાર
દેવોભા ચેતો
ના છડિયાં હથિયાર
મૂળુભા બંકડા
ના છડિયાં હથિયાર
પેલો ધીંગાણો
પીપરડી જો કિયો
ઉતે કીને ન ખાધી માર
કીને ન ખાધી માર
દેવોભા ચેતો
કીને ન ખાધી માર
મૂળુભા બંકડા
ના છડિયાં હથિયાર
હેબટ લટૂરજી મારું રે
ચડિયું બેલી
ઝલ્લી માછરડેજી ધાર
ઝલ્લી માછરડેજી ધાર
દેવોભા ચેતો
ઝલ્લી માછરડેજી ધાર
મૂળુભા બંકડા
ના છડિયાં હથિયાર
જોટો સ્કૂલ હણે
છાતીએ ચડાયો નાર
હેબટ લટૂર મુંજો ઘા
દેવોજી ચેતો
હેબટ લટૂર મુંજો ઘા
મૂળુભા બંકડા
ના છડિયાં હથિયાર
ડાબે તે પડખે
ભૈરવ બોલે જુવાનો
ધીંગાણે મેં
લોહેંજી ઘમસાણ
દેવોજી ચેતો
લોહેંજી ઘમસાણ
મૂળુભા બંકડા
ના છડિયાં હથિયાર
અલ્લાલા બેલી અલ્લાલા બેલી
‘ कूमका ‘
“कूमका”
******
******
(राग : गीरा है किसीका ञूमका…..)
चोटले लमेमें कूमका ,
रता पीळा शोभे वठा रेशमी ,(२)…..चोटले
शेरी मंजा रोज वंञे छोकरी रूपाडी,
कडे पेरे पंजाबी ने कडे पेरे साडी (२)
कनेमें मोतीजा जुमका
रता पीळा शोभे वठा रेशमी ,(२)…..चोटले
ट्को कढे कजर वजे अख अणियाणी,
हेलारो मथेते खणी रोज भरे पाणी (२)
जेरजा वजेता ठुमका,
रता पीळा शोभे वठा रेशमी ,(२)…..चोटले
त्रसंजाजो टाणो वो ने ‘ परभु ‘मलइ सामी.
नेण मली रयाण क्यों नेहीयें भयोँ हामी (२)
अेंधाणी में डने कूमका,
रता पीळा शोभे वठा रेशमी ,(२)…..चोटले
Reference : http://dhufari.wordpress.com/