Posts under ‘General’

✍
🌹अध्धा🌹
पग ते व्यारे चाञ करे,
एनजो नालो अध्धा…
गाल गाल मे वेवार समजाय,
एनजो नालो अध्धा…
पांजो सुख दु:ख नेरे,
एनजो नालो अध्धा…
छडी खणी छांभ कढे,
एनजो नालो अध्धा….
हणी करे ने पोय पस्ताय,
एनजो नालो अध्धा…
पोय पासेमें व्यारे सरचाय,
एनजो नालो अध्धा….
पोय चाञ से मथे हथ फेरे,
एनजो नालो अध्धा…..
अध्धा वगर धोनिया अधुरी
*🌹Happy Fathers Day

तॉजी वाट तें कोय
खडो करे त कॅनी
तूं नाराज न थीज
आभार मनी गिञ
वसंत ई ऊ आय
जुको तॉके छिलांग
मारे जो सिखायतो
*- वसंत मारू…चीआसर*

Matajo madh Live Navratri Vrat Recipes —————————-

🇮🇳 आं मणीं के ७५ मो स्वतंत्रता डींजी जजी जजी वधायुं खूब खूब शुभेच्छाउं. स्वतंत्रताजो अमृत महोत्सवजो ही वरें देशवासीओमें नवी उर्जा , नवी चेतना अने ऊमंग भर्यो वने.🇮🇳

जय हिन्द!,पांजो कच्छडो,पांजे संस्कृति के नमन

🙏 मूजी मातृभूमि के नमन🙏

धोस्तार
—————

यार मुंजा लेर सें जींधे डिठा,
थै हकल माभोमजी, मरधे डिठा.

वाट न्यारे यार जी रूंधे डिठा ,
सड सुयां इनजो अने खिलधे डिठा.

प्रेमभगती में जडें बुडधे डिठा,
भव जे धरिया में तडें तरधे डिठा.

डुख डिसी बें जा, डुखी थींधे डिठा,
सुख डिसी ने मोजसें छिलधे डिठा.

भुल असांजी पिंढ कबुलींधे डिठा,
भध असांजी पिंढ तें खणधे डिठा.

विज भनी अभमें कडें खिवधे डिठा,
ने घड઼ीमें थइ गजण गजधे डिठा.

ढींगला हक जा मिलें, गिनधे डिठा,
भागमें जेंजे हुवें, डींधे डिठा.

मालपूआ रात डीं खेंधे डिठा,
ने कडें पाणी मथे परधे डिठा .

चुल मिजारा काठ थइ बरधे डिठा,
हंज में वानी भनी ठरधे डिठा .

‘पुष्प ‘ तोजी फोर में फिरधे डिठा,
पण, खुटी बाजर तडें खिरधे डिठा.

—पबु गढवी ‘पुष्प ‘

ધોસ્તાર
—————

યાર મુંજા લેર સેં જીંધે ડિઠા,
થૈ હકલ માભોમજી, મરધે ડિઠા.

વાટ ન્યારે યાર જી રૂંધે ડિઠા ,
સડ સુયાં ઇનજો અને ખિલધે ડિઠા.

પ્રેમભગતી મેં જડેં બુડધે ડિઠા,
ભવ જે ધરિયા મેં તડેં તરધે ડિઠા.

ડુખ ડિસી બેં જા, ડુખી થીંધે ડિઠા,
સુખ ડિસી ને મોજસેં છિલધે ડિઠા.

ભુલ અસાંજી પિંઢ કબુલીંધે ડિઠા,
ભધ અસાંજી પિંઢ તેં ખણધે ડિઠા.

વિજ ભની અભમેં કડેં ખિવધે ડિઠા,
ને ઘડ઼ીમેં થઇ ગજણ ગજધે ડિઠા.

ઢીંગલા હક જા મિલેં, ગિનધે ડિઠા,
ભાગમેં જેંજે હુવેં, ડીંધે ડિઠા.

માલપૂઆ રાત ડીં ખેંધે ડિઠા,
ને કડેં પાણી મથે પરધે ડિઠા .

ચુલ મિજારા કાઠ થઇ બરધે ડિઠા,
હંજ મેં વાની ભની ઠરધે ડિઠા .

‘પુષ્પ ‘ તોજી ફોર મેં ફિરધે ડિઠા,
પણ, ખુટી બાજર તડેં ખિરધે ડિઠા.

—પબુ ગઢવી ‘પુષ્પ ‘