Kutch Rann Utsav 2012
वडो फोटो नॅरेला फोटोते क्लिक कर्यॉ
कच्छी भासा मे समाचार बुलेटिन: सजाग कच्छ
Sajag kutch news network
कीं अयॉ विजयभा,
कच्छीमे समाचार जो सॉणी ने घणेंज सारो लगो. पांजे मातृ भूमी ला करे पां मिणी कच्छीयें जो फ़र्ज़ थियेतो के कच्छी भासाजे विकासमे पां पूरो सहयोग ड्युं. कच्छीमे समाचार ने कच्छी लोकगीत, कुकिंग शो, डांस कॉंपिटेशन, इंटरव्यू, सीरियल,… प नॅरेला मलें त मिणीं कच्छीयें के खासो आनंद थिये.
कच्छीमे समाचार जो सॉणी ने घणेंज सारो लगो. पांजे मातृ भूमी ला करे पां मिणी कच्छीयें जो फ़र्ज़ थियेतो के कच्छी भासाजे विकासमे पां पूरो सहयोग ड्युं. कच्छीमे समाचार ने कच्छी लोकगीत, कुकिंग शो, डांस कॉंपिटेशन, इंटरव्यू, सीरियल,… प नॅरेला मलें त मिणीं कच्छीयें के खासो आनंद थिये.
अमुक कच्छी जे पंढजी मातृभासा कच्छी के छडे ने बई पारकी भासा जॅडीते गुजराती,हिन्दी ,…के मातृभासा तरीके बोली र्या अईं ही मातृभूमि कच्छ जो अपमान करीयेंता ने हॅडी मानसिकता के भधलनूं ही महत्वजो आए. अईं कच्छी भासा जे हन सारे ने घणेंज महत्वजे कार्य मे अगिया वध्धा रॉयॉ ही कच्छी माडु टीम जी आंके सुभेच्छा
जय कच्छ !!!
जय
कच्छी माडु टीम
कच्छडो जाध अचे
काफी : कच्छडो जाध अचे
********************
********************
असांके कच्छडो जाध अचे,
वसों असीं भलें पार परंले, सा वतन के सिके – टेक
वसों असीं भलें पार परंले, सा वतन के सिके – टेक
धींगा संभरे धण धोंरीजा,भलप तां छल भचे,
गोईयें मईयेंजा खीर मिठडा, माडुडा पी मचें. असां के …
होला, पारेला, कबरूं ,कागडा,कोयलडियुं जित कूछें,
शोभतां सुरखाब मुल्लकजी, मोर कळायल नचें. असां के…
वड पीपरी ने जार आमरी, नमुरियें निम लचें,
मिठडो मेवो मुल्लकजो, जित पीरू लाल पचें. असां के…
लुखुं लगें जित मींयडा मोंघा, धोम आकरा धुखें,
वा वंटोळा चडें आकाशें उत्तरजा साय अचें. असां के …
जण जोरूका पट बरूका, बोली बाबाणी रुचे,
भेनरुं, भावर,हेत भरेला,जीगर असां के जचें. असां के …
पार पुजी को हाल पुच्छे,जिंय नीरधारां मच्छ लुछें,
मावो चय मीठी तवार तनमें, मातृभूमिजी मचे. असां के…
: मावजी जेराम भानुसाली (मास्तरजी)
कच्छी धुन Kutchi Dhun : कच्छी रेडियो चोवी कलाक !
कच्छी लोक गीत चॉवी कलाक Kutchi Lokgeet 24*7 Kutchi TV Channel
कच्छी चोवक : संप तित सणियात
जित संप आय तित सणियात आय ईन चोवकजी वारता न्यारीयुं. हिकडे़ पे जा चार पुतर हुवा .
कडेंक संपसे रोंधा हुवा त कडेंक , कारीयारो करींधा हुवा ईनीजें पे के ही खबर हुई ईतरे ईनींके हिन गालजी चिंधा थींधी हुई. पे जी छेल्ली मांधाई हुई तडें ईनींके हाणे लगोज मुंके हिकड़ी गाल छोकरें के समजाई डिणीं खपे. ईनीं चारोंय छोकरें के बोलायों ने च्यों हिकड़ी सनी लठ्ठ खणी अचो.
छोकरा तेरंई हिकड़ी सनी लठ्ठ खणी आया.अधा च्यों ईनके तोडे़ विजो छोकरा तेरंई लठ्ठ के तोडे़ विधों.पोय अधा च्यों हाणे डॉ लठ्ठीयुं खणी अचो ने भेरीयुं करे ने बध्यो. छोकरा डॉ लठ्ठीयुं खणी आयाने बध्यों. पोय अधा ईंनींके च्यों हाणे हिन के तोड़यो. छोकरा हिकडे़ बी सामुं न्यारण लगा.हिकडो़ छोकरो पे के चें अधा ही तां भेरीयुं अंई ईतरे न टुटें.
हाणे अधा च्यों हिकड़ी सनी लठ्ठ तां अंई तेरंई तोडे़ सग्या पण ही मिडे़ भेरी लठ्ठीयुं टूटी सगें ईं नईं. ईन रीतें ज आंई चारोय भा संप सला सें रोंधा त आंई सुखसें रई सगधां कोय आंजो वार पण विंगो नई करे सगे पण ज छूटा थ्या ने आं विच्च कुसंप थ्यो त आंई मिडे़ विखो विखोथी वेंधा मुंजी गाल समज्या ? छोकरा ही गाल समज्या ने पिंढजे अधा के वचन डिनों ने च्यों असीं संपसें रोंधासीं आंके चिंधा करेजी जरुर नांय.
छोकरेंजी गाल सुणी ईनींजे अधाजे आतमा के शांति थई.
कच्छी में चोवक जो अर्थ: लेखक अरविंद डी.राजगोर
જૅડી જેંજી નજર : जॅडी़ जेंजी नजर
કેંકે મિડે ખાસા લગેં કેંકે મિડે ભુછડા
હિક્યાર કૃષ્ણ ભગવાન વટ કોરવ ને પાંડવ ભેરા થીને વિઠા હુવા. તડેં કૃષ્ણ ભગવાન પૂછયોં હિન જગમેં રાજાયેં મેં સચીલા(સજણ) કિતરા અંઈને ખોટા કિતરા અંઈ સે લજી અચો.
તડેં દુર્યોધન ચેં હિન મેં મિડેજ રાજા ખોટા અઇં તેં પુઠીયા યુધિસ્થિર ચ્યોં કોય રાજા મુંકે ખોટો નતો લગે. જિતરી જેં મેં સચાઇ સે ખાસા ગુણ ન્યારે ને જેંમેં અવગુણ ઘણે હુવેં સે અવગુણ ન્યારે ‘જૅડી જેંજી નજર’ કેંકે મિડે ખાસા લગેં કેંકે મિડે ભુછડા. ઇન મથા હી ચોવક પઈ જૅડી જેંજી નજર.
કચ્છી મેં ચોવક જો અર્થ : લેખક અરવિંદ ડી. રાજગોર
केंके मिडे खासा लगें केंके मिडे भुछडा
हिक्यार कृष्ण भगवान वट कोरव ने पांडव भेरा थीने विठा हुवा.तडें कृष्ण भगवान पूछ्यों हिन जगमें राजायें में सचीला(सजण) कितरा अंइने खोटा कितरा अंइ से लजी अचो.
तडें दुर्योधन चें हिन में मिडेजा राजा खोटा अंइ तें पुठीया युधिस्थिर च्यों कोय राजा मुंके खोटो नतो लगे.जितरी जें में सचाई से खासा गुण न्यारे ने जें में अवगुण घणे हुवें से अवगुण न्यारे ‘जॅडी जेंजी नजर’ केंके मडे खासा लगें केंके मिडे भुछडा. इन मथा ही चोवक पई जॅडी जेंजी नजर.
कच्छी में चोवक जो अर्थ: लेखक अरविंद डी.राजगोर
kutchi word list
આઉં શબ્દ લખધિયાં ને સાથે જ અન જો અર્થ explain કઇંધિયાં.. અને અઇં કન કે અગિયા વધારિજા.. All are welcome.. join to create a large set of vocab..
નક nose
ન’ક kind of gutter / opening for extra water etc to pass on..
कच्छ समाचार, खबरूं
कच्छ जा न्युज, तॅवारजी तारीख, प्रोग्राम अथवा बई कोय खबरजी जांणकारी आंके कच्छी वांचके वटें पोजाणी वॅ त हन पोस्ट जे कमेंट मे लिखजा.
जय
कच्छी माडु टीम
कच्छी माडु टीम