कच्छी दीवाली रेसिपी : फीणीया लड्डु
फीणीया लड्डु
**********
**********
१ किलो घेवें जो अट्टो
१ /२ किलो पीसेली सककर
३/४ किलो घी
२-३ चमचा घी धाबो डनेला
१ या १ /२ कप गरम पाणी / दूध
ऐलची पावडर, जांयफर
हेकडी वडी थारी में घेवें जो अट्टो, घी , गरम पाणी / दूध वजी मिक्स करे ५ -६ कलाक रखेजो. अट्टे के हलके हथ सें छाणेजो.हेकडे जाडे वासण में धीमें तापें सेकेजो.गुलाबी तीये तेर ओतारे बाजुमें रखेजो.
हेकडी वडी थारी में ३/४ किलो घी खणी हथाळी सें १ /२ कलाक हेकडी दीशा में फीण्यो.हाणे पीसेली सककर वजी १५ -२० मिनिट दीशा में फीण्यो. हाणे सेकेलो अट्टो , ऐलची पावडर, जांयफर मिक्स करेजो. लड्डु भनायजा.
जो अट्टो सोको लगे त थोडो घी वजी लड्डु भनायजा.
तूं : कच्छी कविता
सॉणें न ब कन हूंधे तूं,
सिखें “हें…हें कुरो ?” कईंधे तूं.
सिखें “हें…हें कुरो ?” कईंधे तूं.
सोख हूंधे न समजे कीं,
डोखमें ज सिखें रुंधे तूं.
कख तोडी़ ने के ब टोकर,
सिखें परबारो खेंधे तूं.
सत समागम न के कडें,
सिखें न पगला छूंधे तूं .
डिंधल डिने भिसियाल “बिहारी” ,
सिखे न हथ वारींधे तूं .
: बिहारीलाल अजाणी
विञो मिंधर …
विञो मिंधर उपासरे में क मस्जिदमें;
न बिइ कोय गाल, स्वर्ग जो लारो हुंधो !
न बिइ कोय गाल, स्वर्ग जो लारो हुंधो !
: लीलाधर गडा
विञो : विनॉ
अखर पाटी …
अखर पाटी ता भुंसजॅ,
फिटे कागर ता साई.
पण लिखावट ललाट जी,
फिटे नती फिटाई.
फिटे कागर ता साई.
पण लिखावट ललाट जी,
फिटे नती फिटाई.
: नेणसीं भानुसाली “जानी”
भॅणूं
वीर पसली जे डीं ही सुंदर कच्छी गीत
भॅणूं
***
***
हूंधो भवांतरे जो लॅणूं !
निका भला कीं जुड़ें भाऐं के जिजल जॅड़युं भॅणूं!
निका भला कीं जुड़ें भाऐं के जिजल जॅड़युं भॅणूं!
सगा हजारुं, सगाईयुं लख, गडजी गजें करोडुं,
लुछें विठयुं प कुछें न लिखपण ! भॉरप जो नां भॅणूं !
भांऐं भांऐं के भेरो के ला भुछड़युं थींन्युं भेणूं,
जिगर विगर की जडी़ सगॅ को ? रत जयुं डिई डिई रॅणूं !
जिरकलडी़ के जांपलीऐनुं जचॅ न बारा विनणूं,
पखा छडी परडेस विने त्युं तांय कुरेला , भॅणूं !
समजू च्यां, संभारी रखजा, सूंवालीयुं अईं भॅणूं,
धूऐ विगर पण धुखणुं कीं से, क्यांनुं सिखंधो छॅणूं !
कितरीयुं कसल्युं, कितरीयुं पसल्युं, कितरो गिनणूं डीणूं,
सुतर राखड़युं, उंतर लागणयुं, लसॅ भला कीं लॅणूं ? !
: डॉ विसन नागडा
गडजी : मिली,भेटी . रॅण : संधाण
निंढडी़ ऊ ….
निंढडी़ ऊ निसाड़ पाछी वारे ड़े ! पांजी ऊ अगाड़ पाछी वारे ड़े !
मिठा मिठा मीं पाछा वारे ड़े ! ऊ निंढपण जा ड़ी पाछा वारे ड़े !
मिठा मिठा मीं पाछा वारे ड़े ! ऊ निंढपण जा ड़ी पाछा वारे ड़े !
: जयेस भानुसाली “जयु”
कच्छी माडु साईट के ब वरे
कीं अयॉ
अज कच्छी माडु साईट के ब वरे थ्या. असीं मिणीं वाचकें जो घणें आभार मनयूंता. पांजा कच्छी कवि जेंजे कच्छ प्रेम जो कीं जवाबज नाय अनींजो बॉरो बॉरो आभार. कच्छी माडुते कच्छी माडुयेंजो कच्छी भासा, कच्छी संस्कृति ने कच्छ वतन साथेजो संबध अना मजबुत थीयॅ हीज असांजा प्रयत्न अईं.
अज कच्छी माडु साईट के ब वरे थ्या. असीं मिणीं वाचकें जो घणें आभार मनयूंता. पांजा कच्छी कवि जेंजे कच्छ प्रेम जो कीं जवाबज नाय अनींजो बॉरो बॉरो आभार. कच्छी माडुते कच्छी माडुयेंजो कच्छी भासा, कच्छी संस्कृति ने कच्छ वतन साथेजो संबध अना मजबुत थीयॅ हीज असांजा प्रयत्न अईं.
आभार
जय
कच्छी माडु टीम
need help for research on kutchi languuage – grammar
નમસ્તે,
આઉં તૃપ્તિ નીસર, વરાડે ગામ (મુન્દ્રા તાલુકે) જી રોંધલ અઇંયા ને હૅવર મૉંભઈમેં રાં તી. આંઉં ને ડૉ. રાજેશ ભટ્ટ (માંચેસ્ટર યુનિ.) અસીં ક્ચ્છી ભાષા જી વ્યાકરણિક વિશેષતા તે રિસર્ચ કયું તા. હેવર સુધી અસીં મુજી બોલી તે કમ્મ ક્યો આય પણ હાંણે હુ વિશેષતાઉં કચ્છી જી બઈ બોલિયેં મેં પણ કતરે પ્રમાણમેં અંઈં ક નંઈં સે નેરણ્યું અઈં.
હન્ન લા કરને આંઉં અગર મુકે આંજી મદદ ખપૅ ત મલધી? આંઉં આં કે ફોન કરે સગા તેલા મુકે આંજા નંબર અથવા ઇમેઇલ જો સરનામો હલાઇંધા?
તૃપ્તિ