धीरुं
*****
धीरुं अंईं धनभाग पांजो,
मिठडो मिठडो चाग पांजो.
*****
धीरुं अंईं धनभाग पांजो,
मिठडो मिठडो चाग पांजो.
कच्छडेजो वरसाद पांजो,
झरणेजो कलनाद पांजो.
फुलेंसें भर्यो भाग पांजो धीरुं
हुंभजा झांझर झमझम झमकें,
खिलखिलजी खींकार चमके.
जयजयवंती राग पांजो. धीरुं
धीरुं खोलीएं नंईं नंईं बारी,
डिसी अभ अटारी विनुं वारी वारी.
अंईं फगणजो फाग पांजो. धीरुं
धीरुं आवीयुं, धीरुं आवीयुं,
खणीनें आवियुं सुखजयुं चावीयुं.
खुशीएंजो नांय ताग पांजो.धीरुं
गुलाब देढिया