कच्छी कॉमेडी फिल्म खेतर खपॅ तो !
मुधेंजी ग़ाल
अईं मातृभासा छडेजो चॉयॉता !
ग़ाल तां मुधेजी आय !
अइं मा जो धावण छडायॉ ता !
ग़ाल तां मुधेजी आय !
ग़ाल तां मुधेजी आय !
अइं मा जो धावण छडायॉ ता !
ग़ाल तां मुधेजी आय !
माजी कुखमें वा तॅर तां,
मा कुछई ते सेज सॉयां ते,
जनमे नूं मॉर , मिलेती निसीभमे “मातृभासा”
हाणें ईनके छडणी वॅ त,
हिकड़ो साव सॅलो रस्तो आय.
माजी कुख मिंजा न, डायरेक्ट टेस्ट ट्यूब मिंजा पॅधा थीजा ,
टेस्ट ट्यूबके कोय “मा” नती वॅ,
टेस्ट ट्यूबके कोय मातृभासा नती वॅ,
टेस्ट ट्यूबके धावण नतो वॅ,
आसाढ नें श्रावण नतो वॅ.
आंके ई सींभाय त
ग़ाल तां मुधेजी आय !
: कवि गुलाब देढिया (कच्छी कविता संग्रह “रांध” मिंजा)
अदभुत पांजो कच्छ !
Reference : https://www.facebook.com/#!/AmazingKutch
आसाढी ग़ीत
મન તૂં મૉભતજો મેડ઼ો ભનાય,
મન તૂં સૉભતજો મેડ઼ો ભનાય.
મૉભતજી રાંધ મેં હીયેંજા હેતનેં,
હીંયેં જે હેત મિંજ માડૂજો વેશ.
માંજરી હિન કુખમેં તૂં મૉભત ગુરાય.
મનતૂં મૉભતજો મેડ઼ો ભનાય……..
મન તૂં સૉભતજો મેડ઼ો ભનાય.
મૉભતજી રાંધ મેં હીયેંજા હેતનેં,
હીંયેં જે હેત મિંજ માડૂજો વેશ.
માંજરી હિન કુખમેં તૂં મૉભત ગુરાય.
મનતૂં મૉભતજો મેડ઼ો ભનાય……..
સૉભતજી સંગમેં ધિલજા સબંધનેં,
ધિલમેં લગ઼ેં વિઠીયું સૉભત જ્યું સૂઈયૂં,
સુગંધી સુખડ઼જો તૂં અભલખ સજાય.
મનતૂં મૉભતજો મેડ઼ો ભનાય……..
મૉભતજી વાટતા માડૂ વટાંણુંનેં,
હીંયેંમેં આષાઢી ઉમંગ રચાણું.
ધબકંધે ધિલ કે તૂં ધિલસેં મિલાય.
મનતૂં મૉભતજો મેડ઼ો ભનાય……..
: ગૌતમ જોશી (ઈનીજે પ્રકાશન “નિમોરીયું” મિંજા સાભાર)
Reference : http://drrameshbhattrasmikbnn.wordpress.com
कच्छी जॉक्स
ચમેલી રોજ કલાકે જા કલાક સુધી
પંઢ જી બેનપણી ભેગી ફોન તે
ગાલીયું કરે વઠી
હકડે ડી જી ગાલ આય
ચમેલી અડધે કલાક મેં જ
ફોન રખે ડને
ચાંપે કે નવઈ લગી ત પોછે: “કો અજ જલ્દી ફોન રખે ડને ? ”
ચમેલી: રોંગ નંબર લગી વ્યો વો
ખીખીખી …
Reference : http://www.facebook.com/KacchiJoksa?ref=stream
तेज वाणी !
: कवि तेजपाल धारसीं नागडा “तेज”