Kutchi Maadu Rotating Header Image

मातृवंधना

Mar 9th, 2011
by Jay जय.
2 comments
मातृवंधना
******
मावलडी़ ! तूं मिठडी़ लगेंती !
सची सुरग जी सुखडी़ लगेंती.
सगा भलें ब्या सॉ सॉ वें पण,
सगपण में तूं सुठडी़ लगेंती !!
जॅर सीयारो सी जी सट डे,
वा विफरॅ नें सोंजो वट डे.
पट ता खॉरे केर सुमारे ?
केर खिलीने ढारी खट डे ?
ऊंढण अड़ जो ऊंढाडी़ंधे,
धड़की विगर पण धिफडी़ लगेंती !
जॅर  अचें डीं ऊनारे जा,
बरंधलके बिमणुं बारे जा !
गालगालमें लंभ धुखी पॅ,
केर करे चॉ ! कम ठारे जा ?
फिरें मथे में थध्युं आंगरीयुं,
तॅर वली, तूं वडरी लगेंती !
धिल जॅडो धिल जॅर डुरी पॅ,
भाग भनॅ लो जॅर भुरी पॅ,
आंधारे में आखड़ंधलके
‘पुतर भचें तूं ‘ केर गुरी चॅ ?
रातुं जागी सेबा डींघल
अघड़ भलें मा ! अघडी़ लगेंती !   
तॉजे नां जा ओटा अडीयुं,
तॉजा कितरा फोटा कढीयुं ?
बुजों न ता मा ब्यो कीं ईतरे,
चारा तोजा खोटा  कढीयुं !
हेज नें हुंभ ज्युं न वें भजारुं !
हिकडी़ निढडी़ हटडी़ लगेंती ! !
फुलडा़ डींधल,फोरुं छडींधल,
फुलवाडी़ ! तूं फुटरी लगेंती !
मावलडी़  !तूं मिठडी़ लगेंती ! !
: डॉ.विसनजी नागडा
सुखडी़- प्रेम जी भेट. सुठडी़-उत्तम. खट-खाटलो.
धिफडी़-सी नुं भचे ला भेगा करेला ब त्रे ऊंढण(धड़कीयुं). अघडी़-थिगडी़.

Posted in: Kutchi Kavita,Chovak,Sahitya (Poetry, Quotes, Literature).

Sindhi Kachchhi TV intro video

Feb 24th, 2011
by Jay जय.
126 comments

Sindhi Kachchhi TV jo intro video . We should be expecting different types of TV programs in our Kachchhi bhasha soon.

From the youtube post :
Sindhi Kachchhi Television is the only and the first TV channel of India, relaying from Adipur/Gandhidham , Kachchh all over Asia.
Can contact for further details +91 2836 260645

Posted in: Movies, TV, Videos, News.

ચમકનું જ પોંધો

Feb 23rd, 2011
by ddamas.
No comments yet
અજ ક કાલ મળીકે મનનું જ પોંધો.
જાત સામે કડેક લડનું જ પોંધો,

ઠેકી વેન ભવસાગર જે વચમે ધરજે જી જરૂર નાય તોકે!
આવડે ના આવડે પણ તરણું જ પોંધો,

હા! સહારો હરઘડી કોઈ ન ડે,
હેકડે હથે ભને કે નભણું જ પોધો,

કેતે પોજ્યો કોય બસ ઊભો રહીને,
હોન તરફ એકાદ પગલો ભરનું જ પોંધો,

જીવતે ઊકેલ કોર તોજો મલ્યો આય,
ભેદ તોજો ખોલેલા કોર મરનું જ પોંધો ?

ખુશ થીયેતા મેળે તોજી ચમક નેરે ને,
“ધ્રુવ” કોઈક જી ખુશી લા ત ચમકનું જ પોંધો,

: ધ્રુવ એલ. ભાનુશાલી – “ધ્રુવ”

Posted in: Kutchi Kavita,Chovak,Sahitya (Poetry, Quotes, Literature), Kutchi Language.

મુંજો દર્દ

Feb 23rd, 2011
by ddamas.
No comments yet
લેકાય ને દર્દ ધુનિયા સાથે ખેલધો આઉ વ્યો
કોઈક જે જીવન મે પ્રકાશ ફેલાયલા બરીને રાખ થઈ આઉ વ્યો

કોર કમજી હી જીદગી કે જેડા બો પલ પણ ખુશી ન ટેકઈ.
જેટલો જેટલો ખેલધો વ્યો,અંધર થી હેટલો જ રુંધો વ્યો.

હો “ધ્રુવ” કે હીં કે મેલધી ખુશી કોઈજી દુઆ થી.
મેળીજી છેલ્લી ઘડી જો પ્રાણ ભનીને આઉ વ્યો.

કદાચ રહી હુંધી હેનમે પણ કોય કચાસ મુજી.
કે નેર હી જમાનો મુજી કેડી મજાક કરે વ્યો.

લોકો ખાતર ખેલધો હો લેકાયને મુજો દર્દ.
“ધ્રુવ”લગેતો હણે હુ જ ભાવરે થી છુટો થીંધો આઉ વ્યો.

: ધ્રુવ એલ. ભાનુશાલી – “ધ્રુવ”

Posted in: Kutchi Kavita,Chovak,Sahitya (Poetry, Quotes, Literature), Kutchi Language.

कच्छी बोली

Feb 18th, 2011
by Kalpana.
1 comment
(निसाड़में क बार सॅरी –चॉक में निन्ढें सरतीयें ज्यूं ब टोलियूं थीअें नें जोम जुस नें भावसें साम सामा पड़कारा थीअें…छोकरेंके रांध-रांधमें सिखेजो मिले नें जाध प रै विञे अेडी़ ही रांध नारायण जोशी ‘कारायल ‘ जे ईंधल प्रकाशन म्यां आए).
                          जोड़कणां
    

  टोली- १
टोली- २
असीं सिखोंता   …………………………. कच्छी  बोली.
असीं  लिखोंता  …………………………. कच्छी  बोली.
असीं  बुजोंता  ………………………….. कच्छी  बोली.
मूंजी  बोली   …… ……………………. कच्छी  बोली.
असांजी बोली   …………………………. कच्छी  बोली.
पांजी  बोली    …………………………. कच्छी  बोली.
मिणींजी बोली  ………………………….. कच्छी  बोली.
जभर बरूकी   …………………………… कच्छी  बोली.
सूरातन डे     …………………………… कच्छी  बोली.
भक्तिरसजी    ……………………………. कच्छी  बोली.
टूंकी नें टच   ……………………………. कच्छी  बोली.
नोंय रसेंजी   …………………………….. कच्छी  बोली.
हिकडाई डेती  …………………………….. कच्छी  बोली.
कच्छजी मूडी ……………………………….कच्छी  बोली.
डेसजी संपत  …………………………….. कच्छी  बोली.
डेस –विडेसे   …………………………….. कच्छी  बोली.
मिठी लगे़ती  ……………………………… कच्छी  बोली.
असीं कुछोंता  …………………………….. कच्छी  बोली. 
              : नारायण जोसी “कारायल”

Posted in: Kids, Kutchi Kavita,Chovak,Sahitya (Poetry, Quotes, Literature).

પાંજો મેઠડો વતન

Feb 18th, 2011
by ddamas.
9 comments

ઝાડ કડેક હી પણ ચોંધો !
“મુકે પહેલાં ચાય-પાણી ડ્યો,
પોય જ આંકે છાંઈ ડીંધો”

કોયલ કડેક હી પણ ચે !
“કોય સારી જગા ડેસીને મુકે ફ્લેટ બંધી ડ્યો.
પોય ગાતે જી મજા અચે”

થોડાક પૈસા જેજા મેલે ત,
નદી પણ પેંઢજો મેળે પાણી
સામે કાઠે તે ઠલાય વેજે ત નવાઈ નાય.

“ધ્રુવ”ચે હલ મુંજા મન ! પાં પાંજે મેઠડે વતન હલું.
જેતે સુરજ કે તડકે લા કોઇ લાલચ ન ડીનીં પે.

: ધ્રુવ એલ. ભાનુશાલી – “ધ્રુવ”

Posted in: General, Kutchi Kavita,Chovak,Sahitya (Poetry, Quotes, Literature).

पत्रकार

Feb 16th, 2011
by sachin.
No comments yet
पत्रकार
*****
        
लिख, हाणें लिखवार, पण तूं भंध न कर !
खम कलम कर वार, तूं भंध न कर !
भंध न कर भेईमान थींनें, चुकनें धरम तूं तॉजो,
माडू नईयें गईयार , तूं भंध न कर !
भोरींग भष्टाचारजो डिस तूं , डेसके डंखे ,
कर कलम तईयार , तूं भंध न कर !
तॉजो कर्म आय ई ज, सच्चो लिखी सग़ेजो,
कर सचजो हूंकार , तूं भंध न कर !
 ‘नूर’  फेंसलो करी गिन, अणनम अुभठो  अईयां !
खोटा न कर वीचार, तूं भंध न कर !
: नूरमामद ‘नूर ‘

Posted in: Kutchi Kavita,Chovak,Sahitya (Poetry, Quotes, Literature).

भजन : माडुडा लगेंता मिठा

Feb 9th, 2011
by Kalpana.
1 comment
भजन : माडुडा लगेंता मिठा
*****************
माडुडा लगेंता मिठा, कच्छडे जां मुंके
माडुडा लगेंता मिठा……टेक
रात ने डीं जित , रेयाणु अंतरज्युं , अधा
छेडला नेहजा छुटा…… कच्छडे…..
अखियें में जें जे अमरत वरसे , अधा
दरशन सुखणां डिठा… कच्छडे…..
हरपल जेंजा हेतज संभरें , अधा
सोणला सुते अैं सुठा ….. कच्छडे…..
‘मावो‘ चेय मुंके मारे विछोडो , अधा
वलप जे हंध विठा….. कच्छडे…..
: मावजी जेराम भानुसाली (मास्तरजी)

Posted in: Kutchi Kavita,Chovak,Sahitya (Poetry, Quotes, Literature), Kutchi Lokgeet.

Kutchi Recipe : Khechdi (Khichdi, Masala Khichdi, Fadeji Khichdi)

Jan 24th, 2011
by Kalpana.
1 comment

KUTCHI KHECHDI (KHICHDI)

PAANJI KUTCHI KHECHDI. Kutchi Khechdi nande chokre thi kare vade maadu je tabiyat la kare saari aay.

Bhanayla Kare :

3/4 vaadko Chalti(split moong dal with skin)

1/4 vaadko Chokha(rice)

4 vaadka Paani

Meetho swaad anusaar

chapti Hing

1 chamcho desi ghee(1 tbsp)

Bhanaayji reet :

Pela chokha ne chalti bhega kare paani se 6-7 waar dhuteja .Hekde madhyam size je tapeleme chokha-chalti,paani,meetho,hing vajikare cooker me 4-5 whistles  vajaay bhandh kare vajejo.Thodiwaar thadhi thiye poy cooker khole ne khechdi me ghee vaji halaayjo.Paanji traditional Kutchi Khechdiji maja ganeji.

Kutchi Khechdi bhego dahi/kadhi/vaghaarela marchaa/papad/garam doodh /athaanu /kaando/raswaaro saak khaai  sako.Variation la kare masala khechdi bhanaay sako.

MILD MASALA KHECHDI
Continue reading →

Posted in: Food, Recipes.

कच्छी साहित्य संग्रह

Jan 8th, 2011
by Jay जय.
34 comments
कच्छी भासा भारत देसजी जोनीं भासाऐं मिंजा आए अने कच्छी साहित्य प घणें सदीयें थी विकसीत थिंधो र्यो आए. कच्छी साहित्य मे रूची रखधल कच्छी माडूयेंला करे अन मिंजा थोडा काव्य संग्रह, नवल कथा अने वार्ता जी जाणकारी नीचे लखांतो :
कच्छी साहित्य संग्रह
Kutchi Literature Books

 

लेखक Author चॉपडी जो नालो Title विषय Book Subject
Madhav Joshi “Ashq” Sambhare Muke Sen Poetry
Kavi Tej Virandh Poetry
Kavi Tej Pakhiyan Jiya Piroliyu Essay 
Dr. Vishanji Nagda Sao Essay 
Dr. Vishanji Nagda Mee Child Song 
Vraj Gaj Kandh Mandhiyani Poetry
Nenshi Bhanushali “Jaani” Bherpo Poetry
Nenshi Bhanushali “Jaani” Bhataar Poetry
Ravi Pethani Vatar Poetry 
Ravi Pethani Shikshapatri Translation 
Mulshankar Joshi Akhi Me Sonu Poetry
Gautam Joshi Man Moti Ja Mania Part-2 Novel  
Haresh Darji Zarukho Short Story  
Narayan Joshi “Karayal” Karayal Katchhi Pathavali Linguistic  
Lalji Mevada Sabab Sonji Khan Linguistic  
Madankumar Anjaria “Kwab” Aariso Criticism  
Ramji J. Joshi Kagar Karayal Je Nan Letter literature   
Jayesh Bhanushali Ujako Poetry

Posted in: General, Kutchi Kavita,Chovak,Sahitya (Poetry, Quotes, Literature), Literature,Books.

← Earlier Posts
Newer Posts →