*🔹 घणें…अईं
धरध मिंज तां
खुसीयूं बारा घणें अईं
फिटी पिईयूं वाटूं
तॉय टारा घणें अईं
मुंजधल मुंजे पॅआ
मजधार विचमें
पुजणूं वे पार तेंला
आरा घणें अईं
कांसाईयें जी वस्तीमें
हूंधो चुण डींधल
हित जाडें तें पखीयें
जा मारा घणें अईं
अंधारीयें में उली व्यो
चंधर तॉय कुरो
निंढा अभ तें चमकधल
तारा घणें अईं
धोंखो कॅडो घुची वेओ
घा हिकडो तेंजो
ही रांध आय ईनमें तां
वारा घणें अईं
भुछें सें भरॅली
सजी धुनीयां *’कसभी’*
अञां गोते लजों तां
माडू सारा घणें अईं
🔹हरेश दरजी ‘कसभी’
नलीया कच्छ
