कच्छी चॉवक :काठ जी कुनीं हिकीयार चडॅ
. 🔹 कच्छी चॉवक – ३ 🔹
. काठ जी कुनीं हिकीयार चडॅ
काठ ईतरे क लकडेजी कुनी के पां चुल ते चडा઼ईयो त ईन समो तें पां पांजो रधो खाधो रधे सगों प काठ जी हूंधे उबारे से ई धुखी विंञे नें बिईयार फिरी कम अचे ઍ
एडी रॅ नती
. ▪️भावार्थ ▪️
कोय प सबंध क वॅवार जो पां सामले माडू जे विश्वास जे कारणे हिकीयार पांजो स्वार्थ साधे सगों अथवा ईन सबंध जो गॅर उपयोग करे सगों प ऐडो करेला वेंधे पां ई सबंध विंञाय गिनधा हूओंता
. 🔸संकलन – रजूआत🔸
हरेश दरजी ‘कसभी’
नलीया कच्छ
🌹 सुभेच्छाउं डीयूंता 🌹
🌴सवंत २०७८🌴
नउं वरे विने न त्रांसो ,
एडी सुभेच्छाउं डीयूंता
नबरो भधले ऊ पासो,
एडी सुभेच्छाउं डीयूंता
नेढूं भनी भले विठा
जिजा नेढूं भनी रोजा
वरे रे आंजो खासो,
एडी सुभेच्छाउं डीयूंता
ऐयूं संसारी संसारमें रुंता
अचे पैयूं उपाधीयूं
मिले नसीभजो जासो
एडी सुभेच्छाउं डीयूंता
मंगधल अचे न ઑडा,
खीर में धूईने डेणा
कारतकथी अचे आसो,
एडी सुभेच्छाउं डीयूंता
मान मरतबो मिले जिजो
चमके अभमें कांत तारो
मथे गरुकृपाजो चांसो
एडी सुभेच्छाउं डीयूंता
कें से कीं गाल केणी
ई पण संस्कार सिखाइता ।
मंधर में ब हथ जोड़े ,
गुरु से मथो नमाय
गाल केणी खपे ।
“मा ” विटे पेट छुटी ने
बापा से मान मोभो रखी
गाल कराजे ।
,भा,से धिल खोले ,
,भेण,से हीयारी डिईने
गाल केणी खपे ।
बार – बच्चे से प्यार से,
ने घरवारी से
हीये जो हट
खोले ने गाल कराजे,
सं, कानजी “रिखीयो”
रक्षाबंधन प्रसंगे कच्छी गीत : भॅणूं
थीए मन राजी
सूणी पिंढजा वखाण, थीए मन राजी
वांची पिंढजा लिखाण, थीए मन राजी
लिकधे डिठो एंकार, चितमें गूसयो चड़ीने
विठो विछाई विछाण,थीए मन राजी
कढणूं बोरो आकरो, निकरे नतो बारा
गरवजो रखे बंधाण, थीए मन राजी
डीं उगेने नित खपे, हले न जिरा वार
उठीने गिने पूछाण, थीए मन राजी
निसडो भनी फिरेतो,करे आतमजी हाण
कांत गिनणूं संधाण,थीए मन राजी