Kutchi Maadu Rotating Header Image

Posts under ‘Kutch related Ads’

अध्धा

Jun 19th, 2022
by Jay जय.
No comments yet
✍
🌹अध्धा🌹
पग ते व्यारे चाञ करे,
एनजो नालो अध्धा…
गाल गाल मे वेवार समजाय,
एनजो नालो अध्धा…
पांजो सुख दु:ख नेरे,
एनजो नालो अध्धा…
छडी खणी छांभ कढे,
एनजो नालो अध्धा….
हणी करे ने पोय पस्ताय,
एनजो नालो अध्धा…
पोय पासेमें व्यारे सरचाय,
एनजो नालो अध्धा….
पोय चाञ से मथे हथ फेरे,
एनजो नालो अध्धा…..
अध्धा वगर धोनिया अधुरी
*🌹Happy Fathers Day

धूणी रमाय गिन

May 23rd, 2022
by Jay जय.
No comments yet
धूणी रमाय गिन ध्यानजी,
कचरो बरी वेंधो कुडाईजो.
सचाई अची वेंधी सामें,
नें काठ निकरी वेंधो कुपाईजो.
“अगम”

जिंधगी

May 19th, 2022
by sachin.
No comments yet
जिंधगी
——
मुंभइजा माडु कॅडी
जिंधगी गुजारीयें;

खें घरें त ओगार
ठेसनेंते वारीएं.

मनडो
——
सउं हले ज सिज उगाय,
ऊंधो हले त अंधेरी;

“तेज” चें एडो मनडो
छाल थीए म केंसे वेरी.

तंतर
—-
अज उड्घाटन में कतर,
स्वागत में आंटी;

“तेज” तंतर इं ज हलेतो,
कित फिटक कित डांटी

(कविजी चोपडी
“तेज-वाणी” मिंजा)

छिलांग

Apr 19th, 2022
by sachin.
No comments yet
तॉजी वाट तें कोय
खडो करे त कॅनी
तूं नाराज न थीज
आभार मनी गिञ
वसंत ई ऊ आय
जुको तॉके छिलांग
मारे जो सिखायतो
*- वसंत मारू…चीआसर*

सदाय ताजा डसाईंधल

Mar 24th, 2022
by Jay जय.
No comments yet

जय मां आसापुरां

Mar 14th, 2022
by Jay जय.
No comments yet

महाशिवरात्री जी वधांईयू

Mar 1st, 2022
by Jay जय.
No comments yet

वसंतराणी…

Feb 5th, 2022
by sachin.
No comments yet
वसंतराणी….

नवले सोरॅं सणगारें महेकंधे आवई वसंतराणी
फुलडेंजा जांजर छमछमंधे आवई वसंतराणी

कोयलडीयूं कुणकारीएं, मोरलां आवकारीएं
पखीयेंजा स्वागत वधाइंधे आवई वसंतराणी

कवली कुंपर लचॅंत्यूं नें नचॅं लागणी डारें
खिसकोलीएं भॅरी रमंधे आवई वसंतराणी

नंयारङ, नंयाउमंग नें नंयेतरङे सोभेती धरा
प्रकृतिजी जुआणाई खीलाइंधे आवई वसंतराणी

केसूडे जा कामण सिज઼ सोन छाबें तां हींचें
वासंती वावरा चूमींधे आवई वसंतराणी

‘मन’ पिरीं मिलणें हेज तां हींयें हिलोरेंतो
कसधार बखुं भरींधे आवई वसंतराणी

मनीषा अजय वीरा ‘मन’🌹

अलग कच्छ राज्य : कीर्तिभाई खत्री साथे हकडी मुलाकात

Feb 5th, 2019
by sachin.
No comments yet

कच्छ अलग राज्य भनायला आह्वान

Nov 16th, 2017
by Jay जय.
No comments yet
कच्छ मे वधारेमे वधारेमे रोजगारजी तकुं ओभी करेला मिणीं कच्छीयें के अरज आय.
मिणींके कच्छी भासा मेज बोलेजी अरज आय.
जय कच्छ !

KachchhSeperateState_1611

(more…)

पंज महत्वजा कार्य पांजे कच्छ ला

Jan 14th, 2013
by Jay जय.
6 comments

पांजी मातृभूमी कच्छ, मातृभासा कच्छी ने पांजी संस्कृति ही पांला करे अमुल्य अईं. अज कच्छ में ऊद्योगिक ने खेतीवाडी में विकास थई रयो आय. बारनूं अलग अलग भासा बोलधल माडु प कच्छमे अची ने रेला लगा अईं. हॅडे वखत मे पां पांजी भासा ने संस्कृति के संभार्यूं ही वधारे जरूरी थई व्यो आय. अमुक महत्व जा कार्य जे अज सुधी पूरा थई व्या हुणा खप्या वा ने जे अना बाकी अईं हेनमेजा जे मिणीयां वधारे महत्वजा अईं से नीचे लखांतो.

१. चोवी कलाक जो कच्छी टी.वी.चेनल
अज जे आधुनिक काल में जमाने भेरो हले जी जरूर आय. अज मडे टी.वी. ने ईंटरनेट सुधी पोजी व्यो आय. हॅडे मे पांजा कच्छी माडु कच्छी भासा मे संस्कृति दर्सन, भजन, मनोरंजन, हेल्थ जी जानकारी ने ब्यो घणें मडे नेरेला मगेंता ही सॉ टका सची गाल आय. हेनजे अभाव में पांजा छोकरा ने युवक पिंढजी ऑडखाण के पूरी रीते समजी सकें नता. खास करेने जे कच्छ जे बार रेंता हु कच्छी भासा ने संस्कृति थी अजाण थींधा वनेंता.
कच्छी टी.वी.चेनल ते चॉवी कलाक कच्छी भासा में अलग अलग जात जा प्रोग्राम जॅडीते न्यूज, सीरीयल, हास्य कलाकार, खेतीवाडी जा सवाल जवाब, भजन, योगा,….नॅरेला मलें त कच्छी माडु धोनिया में केडा प हुअें कच्छ हनींजे धिल जे नजीक रॅ ने कच्छ प्रत्ये ने कच्छी भासा प्रत्ये गर्व वधॅ. भेगो भेगो पिंढजी ऑडखाण मजबुत थियॅ. ही कार्य मिणींया महत्वजो आय.
२. स्कूल में १ थी १० सुधी कच्छी भासा जो अभ्यास
अज कच्छ जे स्कूल में बो भासाएँ में सखायमें अचॅतो गुजराती ने ईंग्लीस. कच्छी भासा जे पांजी मातृभाषा आय ने घणे विकसित आय ही हकडी प स्कूल नाय जेडा १ थी १० धोरण सुधी सखायमें अचींधी हुए. कच्छी भासा जे उपयोग के वधारे में अचॅ त ही कच्छीयें ला करे सारी गाल आय ने स्कूल में सखायमें अचे त हनथी सारो कोरो. भोज, गांधीघाम जॅडे सहेरें में जेडा बई कम्युनीटी ( गुजराती,सींधी,हींदीभाषी,….) जा माडु प रेंता होडा ओप्सनल कोर्स तरीके रखेमें अची सगॅतो. १ थी १० क्लास सुधीजो अभ्यासक्रम पांजा कवि, साहित्यकार ने शिक्षक मलीने लखें त हेनके स्कूल में सखायला कच्छी प्रजा मजबूत मांग करे सगॅती. जॅडीते गुजरात, महाराष्ट्र,…. मे मातृभासा जो अभ्यासक्रम त हुऍतोज.

(more…)

FOR CAR RENTALS & TOUR PACKAGES IN KACHCHH CONTACT SHREE PARSV TOURS & TRAVELS—9825151999

Mar 26th, 2012
by DHAVAL SHAH.
2 comments
FOR CAR,SUV’S&BUSES CONTACT DHAVAL SHAH–9825151999

SHREE PARSV TOURS & TRAVELS, GANDHIDHAM-KACHCHH
WE PROVIDE ALL TRAVEL SOLUTIONS UNDER ONE ROOF
AIR|RAIL|BUS BOOKING ,CAR\BUS RENTALS, WESTERN UNION MONEY TRANSFER SERVICES, TOUR PACKAGES OF KUTCH
SHREE PARSV TRAVELS  –9825151999,02836-257747/57