Kutchi Maadu Rotating Header Image

Posts under ‘Kutchi Kavita,Chovak,Sahitya (Poetry, Quotes, Literature)’

हेकडा करोडें …

हेकडा करोडें में कोछेंता
ब्या लखें में कोछेंता
त्रेया हजारें में कोछेंता
जेर भोख लगेती पेटमे तॅर
ही मडे मानीला लोछेंता !

सहारो

सहारो
*****

भनी सगुं त केंजो क सहारो भनुं,
केंजे क जीवन जा तारणहार भनुं ,

जीवन त हकडे वडे झाड जॅडो आय ,
कोइ क निर्दोस पंखीडे जो माडो भनुं ,

मंझील ने ध्येय मेणीं जे जीवन में वेंता,
कोइ क जीवनसाथी जो सथवारो भनुं ,

धिल थी धिल मेंलॅ ई त प्रॅमी अें जी रीत आय,
पण कोइ क प्रॅमाणधिल जो धिलदार भनुं ,

“श्रवण” जेडा त पां न चॉवाजुं,
पण पां पांजे माँ बाप जो सहारो भनुं

कवि हिंमत गोरी
સહારો
******

ભની શગું ત કેંજો ક સહારો ભનું ,
કેંજે ક જીવન જા તારણહાર ભનું ,

જીવન ત એકડે વડે ઝાડ જેડો આય ,
કોઈ ક નિદૉષ પંખીડે જો માળો ભનું ,

મંઝીલ ને ધ્યેય મેણીં જે જીવન મેં વેતાં ,
કોઈ ક જીવનસાથી જો સથવારો ભનું ,

ધિલ થી ધિલ મેંલે ઈ ત પ્રેમી એ જી રીત આય ,
પણ કોઈ ક પ્રેમાળધિલ જો ધિલદાર ભનું ,

“શ્રવણ” જેડા ત પાં ન ચોવાજું ,
પણ પાં પાંજે માઁ – બાપ જો “સહારો” ભનુ .

Kavi હિમત ગોરી

लखपत

।। लखपत ।।
*लखें जो लोडार, लखपत।
भारत जो पेरेधार, लखपत।
* कोटेसर कटेसर मड माता जो।
नारणसरजी पार, लखपत।
* लालछता ने पीर सावलो।
नानक जो धरबार, लखपत।
* कडे कमाणीयुं थइ लखें जी।
कडे भनी वीठो भेकार, लखपत।
* कारी खाण्युं कोलसें वारी।
लायटें जो चमकार लखपत।
* न चरो चोपें के पाणी पीतेला।
डीठा कंइक डुकार, लखपत।
* धरती रूपारी धांय घणा थींये।
जडे मीं वुठो श्रीकार, लखपत।
*भाडरो सांध्रो नरो गोधातड।
पोख जा आधार, लखपत।
* मेंयु गोइयुं जा खीर ने मावो।
भनी वयो शाउकार लखपत।
* धवाखाने मे धागतर न’वे।
मास्तर वगर जी निशार, लखपत।
* मधध बार जी कडे प न मीले।
मालिक ते ऐतबार, लखपत।
* गीने वारा गीने भले तोजे नां ते।
डिनो वारो अंइ दातार, लखपत।
* “जय” ऊथों पां भेठ भंधे ने।
धुनिया के चों ” न्यार, लखपत।

: हितेस जोसी
reference : https://www.facebook.com/tejpaldharsinagda.tej

मुंजे मनजी गाल !

मुंजे मनजी गाल
*************

न वाद खपॅ न विवाद खपॅ
पांके त बस,पेंढमे प्रेमभाव खपॅ

न नाम खपॅ न तख्ती खपॅ
पांके त बस “माँ” जी भक्ती खपॅ

न पद खपॅ न मान खपॅ
पांके त बस पांजो संगठन खपॅ

न सायर खपॅ न वख्ता खपॅ
पांके त बस पांजी अेकता खपॅ

जय माताजी !
जय कच्छ !

મુંજે મન જી ગાલ
*****************
ન વાદ ખપે,ન વિવાદ ખપે
પાંકે ત બસ, પેંઢ મેં પ્રેમભાવ ખપે……
ન નામ ખપે,ન તખ્તી ખપે
પાંકે ત બસ,”માં”જી ભકત્તી ખપે……
ન પદ ખપે ,ન માન ખપે
પાંકે ત બસ, પાંજો સગઠન ખપે…….
ન શાયર ખપે,ન વકત્તા ખપે
પાંકે ત બસ,પાંજી એકતા ખપે……
જય માતાજી

क्च्छ्ते वठा मीं…

वावड आया वतनजा
के क्च्छ्ते वठा मीं
हल मनवा हाण्हे हेता
हेत्ते नेकरें नता दीं
कच्छ्ड़ो असान्जो कामणगारो
जेडो केसर सिंह
आफत अचें अज्पण ओखियुं
तोय तोय हटींन दियुं इं
व्हाले वतनजे विरहमें
धेल धाम रे कीं
सारस वगर सारसी
प्राण डै दे जीं
किर्ती चेतो हल्यो वेने
सिकंधर हल्योवेयो जीं
बधी सधी बारे वेज्धा
पोय कच्छ पोज्ने कीं
जय मात्रुभूमि !

खाली हथ आयाशीं

खाली हथ आयाशीं ,
खाली हथ वेंधाशीं ,
मेलेयो आय मोको त ,
सारा करम करीयुं सरार ,

कुळ , कपट ने कसोटी से ,
भरेयो आय ई संसार ,
विचारी ने करयो व्यवहार ,
नेकां मथो कोटीधां सजी जमार ,

समजी सगो त समजो ,
“समज के आय मार”,
थीधीं हाकल मथे वारे जी त,
लेख न लगधी वार ।

જીયણ

જીયણ
*****

ખેણું , પીણું નેં ખારાયેણું……..,

જીંદગી મેં બસ હીં જ……..,

મોજ મેં રોણું ને મોજ મેં જીયણું……,

કોય કીં પણ ચે છતાં પ મોજ મેં રોણું…..,

સમજ પે ત બોલણું નેકાં ત ચોપ રોણું……,

ધોનિયાં જા ભાર ખણી કોર આય કેણું……,

એતરે ચાંતો……,

થોડો જીયણું પ મોજ મેં જીયણું…….

ધોમ ધોખેતો તળકો

ધોમ ધોખેતો તળકો
અનમે કોલાય ધોળે તો તૂ
ધોળી ધોળી થકને
પોયે કદાજો ન રોને તૂ
નસીબ તોજો તોકે અગીઆ
જલેજી કોશીશ ન કર તૂ
મઠે ઝાડ જી મઠી છાઇ
અનમે બ ગડી પોરો ખા તૂ
કોરો ખણી આયો અઇયે
કોરો ખણી વેને તૂ
ધોળુ કઢને દહીં લા પણ
પોયે છાય વનાઇને તુૂ
મલે વારો મલી રોધો
રખ ભરોસો માલિક તે તૂ
આય અતરો મોજ થી ખા
પોયે વધારે જો છદ્ વિચાર તૂ
વધારે જો મળે છદે્ વેઆ
પોયે એડીયુ ભોલુ ન કરીજતૂ
હેર આમાં અઇ બોરા મોંગા
અનમે હથ વજજ ન તૂ
કારો કારીંગો બોરો ખાસો
ખાઇ ને મણીકે ખારાઇજ તૂ
નેવુ રુપીએ જો જોખમ ખેળે
દલ કે દાતાર ભનાઇજ તૂ

हीली मीली …

हीली – मीली ने हलो मेणीं सें ,

कडवो बोली नें फेटायो न कें सें ,

कोरो खबर केर गरज पे कें सें ,

जीयुं नें बें कें जीयेलां दियुं सुख सें ,

जीयुं त कींक ऐडो जीयुं प्रेम सें,

के हलें वेनें पोय धोनीयां याद करे नांले सें …..

कच्छी में लखांतो

कच्छी में लखांतो
*************

ब पैसा खटेला परदेस में वसांतो
छता प घडी घडी कच्छला लोछांतो
परदेस में रही मॉज मजा करीयांतो,
छतां प कच्छके सेकांतो,
मेलें को कच्छजा माडु त,
होंसें हेंसें कच्छजा वावड पोछांतो
मन में अंघरो अंधऱ कच्छला रुवांतो
अेतरे कच्छजी कविताउं कच्छीमे लखांतो
**** जियॅ पांजो कच्छ ****