कचरो बरी वेंधो कुडाईजो.
सचाई अची वेंधी सामें,
नें काठ निकरी वेंधो कुपाईजो.
“अगम”
खें घरें त ओगार
ठेसनेंते वारीएं.
मनडो
——
सउं हले ज सिज उगाय,
ऊंधो हले त अंधेरी;
“तेज” चें एडो मनडो
छाल थीए म केंसे वेरी.
तंतर
—-
अज उड्घाटन में कतर,
स्वागत में आंटी;
“तेज” तंतर इं ज हलेतो,
कित फिटक कित डांटी
(कविजी चोपडी
“तेज-वाणी” मिंजा)
नवले सोरॅं सणगारें महेकंधे आवई वसंतराणी
फुलडेंजा जांजर छमछमंधे आवई वसंतराणी
कोयलडीयूं कुणकारीएं, मोरलां आवकारीएं
पखीयेंजा स्वागत वधाइंधे आवई वसंतराणी
कवली कुंपर लचॅंत्यूं नें नचॅं लागणी डारें
खिसकोलीएं भॅरी रमंधे आवई वसंतराणी
नंयारङ, नंयाउमंग नें नंयेतरङे सोभेती धरा
प्रकृतिजी जुआणाई खीलाइंधे आवई वसंतराणी
केसूडे जा कामण सिज઼ सोन छाबें तां हींचें
वासंती वावरा चूमींधे आवई वसंतराणी
‘मन’ पिरीं मिलणें हेज तां हींयें हिलोरेंतो
कसधार बखुं भरींधे आवई वसंतराणी
मनीषा अजय वीरा ‘मन’🌹
प्रेमसे नोतरो जली ,कडॅक अचींजा
हूंभसे नोतरो जली, कडॅक अचींजा
वरे सजो रखातो, जाध करीजा
चांतो सामे हली, कडॅक अचींजा
बाना हलधा न कीं,मूधत डियूं वडी
मन करे ज भली, कडॅक अचींजा
भो भो ने भले भले, कडॅ म कईजा
कढो म गाल खिली, कडॅक अचींजा
भरी रखीयूं जाधूं, कांत केनीरीयूं
बारा कढीबो मिली, कडॅक अचींजा
*कांतिलाल कुंवरजी सावला कांत तुमडी*
पग थका.. घुडा थका.
मंजिल ते पोजे जा थडकार
नाय थका..
भले बायपास वे के एन्जियोग्राफी ..
जिंदगी माणे जा धबकार
नाय थका..
भले रमुंता हेवर ओनलाईन ते..
पण चलक चलाणी रमे जा
ओरता नाय थका..
भले हॅवर मलुंता फेस बुक जे फरिये ने वोटस अप जे अंगण मे
पण बईयार फेस टु फेस मलेजा अरमान नाय थका..
मतलबी धोनिया मे कोय कोय जो नाय..
पण मतलब वगर याद कईंधल धोस्तार नाय थका
-विनोद
धाबा सॅन करेजी सग़ती वॅ से हॉरी रमॅ.
माईक्रोफिक्सन
———————-
नॅर ईशा, हीं धिरजी वेनीयें
त स्केटिंग न सिखाबो.तॉजी
जॅडल आकांक्षा के नॅर,सिखॅती
छणॅती,उभी थीयॅती, नीरा
चकामा ने ढीमणा पेंता, हथ
पग छोलजेंता,तांय स्केटिंग
सिखॅजी जिधके छडे नती.
सरीरतें घा पोंधा सेधवाईयें
सें सोंजा थिई वेंधा. छणधो,
उठींधो ने धोड़धो,ऊजसिखी
सगंधो. सरीरतें धाग पोंधा से त मटी वेंधा, ई तूं सॅन न
करी सगॅं त सवारेनूं क्लास
– में म अचीज. आकांक्षा
जॅडी हींमत रखनीयें त तॉके
कोय अटकाई न सगंधो.
अज काउन्चर तानूं तोजी
फी पाछी मिलंधी. सॉरी
ईशा ! तॉकेज निकी करेजो
आय क स्केटिंग सिखॅजी
जिध तॉमें कितरी आय ?
ब्ये डीं नों वरॅजी ईशा टाईट
फीट स्केटिंग ड्रेस ने बूट साथे
कलासजे हॉलमें उगेजे छ
वगेंमें हाजर वी.
अठ मेणे पोय
अज स्केटिंग शो जे फिनालेमें ईशाके रजत मॅडल
मुख्य मंत्री गलेमें पेरायांते
तॅर इनजा सर मिणीया
वधू खुस हूआ.
: भानुबेन
. 🔹 कच्छी चॉवक – ३ 🔹
. काठ जी कुनीं हिकीयार चडॅ
काठ ईतरे क लकडेजी कुनी के पां चुल ते चडा઼ईयो त ईन समो तें पां पांजो रधो खाधो रधे सगों प काठ जी हूंधे उबारे से ई धुखी विंञे नें बिईयार फिरी कम अचे ઍ
एडी रॅ नती
. ▪️भावार्थ ▪️
कोय प सबंध क वॅवार जो पां सामले माडू जे विश्वास जे कारणे हिकीयार पांजो स्वार्थ साधे सगों अथवा ईन सबंध जो गॅर उपयोग करे सगों प ऐडो करेला वेंधे पां ई सबंध विंञाय गिनधा हूओंता
. 🔸संकलन – रजूआत🔸
हरेश दरजी ‘कसभी’
नलीया कच्छ
“मा ” विटे पेट छुटी ने
बापा से मान मोभो रखी
गाल कराजे ।
,भा,से धिल खोले ,
,भेण,से हीयारी डिईने
गाल केणी खपे ।
बार – बच्चे से प्यार से,
ने घरवारी से
हीये जो हट
खोले ने गाल कराजे,
सं, कानजी “रिखीयो”