Kutchi Maadu Rotating Header Image

Kutchi Recipe : Khechdi (Khichdi, Masala Khichdi, Fadeji Khichdi)

KUTCHI KHECHDI (KHICHDI)

PAANJI KUTCHI KHECHDI. Kutchi Khechdi nande chokre thi kare vade maadu je tabiyat la kare saari aay.

Bhanayla Kare :

3/4 vaadko Chalti(split moong dal with skin)

1/4 vaadko Chokha(rice)

4 vaadka Paani

Meetho swaad anusaar

chapti Hing

1 chamcho desi ghee(1 tbsp)

Bhanaayji reet :

Pela chokha ne chalti bhega kare paani se 6-7 waar dhuteja .Hekde madhyam size je tapeleme chokha-chalti,paani,meetho,hing vajikare cooker me 4-5 whistles  vajaay bhandh kare vajejo.Thodiwaar thadhi thiye poy cooker khole ne khechdi me ghee vaji halaayjo.Paanji traditional Kutchi Khechdiji maja ganeji.

Kutchi Khechdi bhego dahi/kadhi/vaghaarela marchaa/papad/garam doodh /athaanu /kaando/raswaaro saak khaai  sako.Variation la kare masala khechdi bhanaay sako.

MILD MASALA KHECHDI

2/3 vaadko chokha

1/3 vaadko mong daar(vagar chalti)/without skin yellow moongdaal

2 1/2 vaadka paani

1 kaando(chopped)

2 tbsp singdana(peanuts)

1/2 tsp haldi

1 tsp meetho

1/2 tsp lal mercha powder

1/2 tsp garam masala powder

Waghaarela kare:

1 tbsp tel

1 tsp jeero

3 ellaichi(adadhihi kareli)

1/2′ taj tukdo

3-4 mari ja dana

1 tejpatta

2-3 laving

2 soki lal marchi adadhi kareli

chapti hing

Bhanaayji reet :

chokha ne daar 4-5 waar paani se dhooteja .2 1/2 vaadka paani vaji side me rakhejo.Pressure cooker me tel vajejo.Tel garam thiye ta jeero ,ellaichi,taj,tejpatta,mari ja dana,laving,lal mercha,hing vajeja.singdana vajeja.Haane kaando,haldi,lal marcha powder,garam masala powder ne  meetho vajejo.5 minute poy chokha-mong daar paani bhego vajejo.Cooker bhandh kare 3-4 whistle vajaay bhandh karejo.Mild Masala Khechdi taiyaar.Mild Masala Khechdi bhego dahi,athaanu pan khaai sako.

Tip: Mild Masala Khechdi me byaa saak pan vaji sako.(Gajar,Phansi,kobi,cauliflower,Vatana …).

SPICY MASALA KHECHDI

1 vaadko chokha

1/2 vaadko tuvar daar

3 vaadka paani

4 tbsp tel

2 tsp ghee

1/2 tsp jeero

1″ taj jo tokdo

chapti hing

2 tbsp kaccha singdana

1/4 tsp haldi

1/2 tsp kaari mari powder

1/4 tsp laving powder

1 madhyam kaando chopped

4 kadi lasan sliced

leela marcha slit swaad anusaar

1 tsp piselo aadu

1 madhyam poatato (diced)

1/2 vaadko leela vatana

meetho swaad anusaar

lal marcha powder swaad anusaar

Bhanaayji Reet:

Chokha-Tuvar daar bhegi kare 5-6 waar dhuteji.3 vaadka pani vaji baajume rakheji.Pressure cooker me tel ne ghee bhego kare garam thiye ter jeero vajejo.Haane taj jo tokdo ne singdana vajeja.Light brown thiye ter haldi,lavin powder,hing ,mari jo powder vajejo.Haane kaando vajejo.1 minute poy aadu,lasan,leela marcha vaji 1 minute saatdejo.Haane potatoes,leela vatana,meetho,lal marcho vajejo.Made mix karene chokha-daar paani bhego vajeji.meetho,lal marcho check kare ganejo.1 whistle vajaay cooker bhandh kare tharela danejo.Spicy Masala Khechdi taiyaar.Kutchi chaay(kutchi beer) ,kadhi bhego khaai sako.

FADEJI KHECHDI (CRACKED WHEAT KHICHDI)

1 vaadko yellow moong dal

3/4 vaadko fada(cracked wheat)

1 vaadko cholelo ne cubed potato

1 vaadko leela vatana

1 vaadko cauliflower(nanda tokda)

1 vaadko kaande ja cubes

1 tbsp aadu-leela marcheji paste

1/2 tsp mari ja dana

1/2 tsp haldi

1 tsp lal marcha powder(optional)

meetho swaad anusaar

2 1/2 -3 vaadka paani

Waghaarela kare :

1 1/2 tbsp desi ghee

1″ taj jo tokdo

3 laving

1 tsp jeero

1/2 tsp hing

Bhanayji reet :

Yellow mong dar ne fada bhega kare 4-5 waar paani se dhuteja.2 1/2 -3 vaadka paani vaji kare side me rakhejo.

Hekde pressure cooker me ghee vaji ,garam thiye ter jeero, taj ,laving ne hing vajejo.Poy potato,vatana ,cauliflower, kaando,mari ja dana, haldi,lal marcho,aadu-marcheji paste vaji saatdejo.Haane mong dar-fada paani bhego vaaji ne meetho vajejo.2-3 whistles poy cooker bhanth kare vajejo.Thadho thiye ter khole ne extra ghee vaji dahi bhego khaai sako.

Alag alag saak se ne Fiber se bhareli ,zero cholesterol waari hi khechdi swaadist lagdhi.

facebook share

One Comment

  1. asha says:

    Kindly translate d khichdi recipe to English.

Leave a Reply