Kutchi Maadu Rotating Header Image

ઠારઈ નં ઠારઈ !

[ગજ઼્લ]

સિરઈ જૉઆંણૈ હરેં ચૂપ માર મૂં સારઈ નં સારઈ,
“વિઞાતી” જિંધગી ચૅ મૂં અઞા સારઈ નં સારઈ.

હુવે કો ફાસ ગાડી તૂં પ્રભુ ! ઍડ઼ો લગ઼ેતો,
નિંઢેજી અવડસા કેં તેં કડેં ન્યારઈ નં ન્યારઈ.

સુકી વ્યા બીડ઼ જા નેં પધ્ધર જા ઘા મિડ઼ૅ નીરા.
ઉમેધેંજી ગ઼િધી ધ્રૉસઠ અસીં ચારઈ નં ચારઈ.

મડ઼્ધ જૅડ઼ે મડ઼્ધ જી અખ મિંજા રૂંગો સિરી પ્યો,
વતનજી જાધ ધિલડ઼ેમેં અઞા આવઈ નં આવઈ.

વડી કાલર હુવે ઍડ઼ી “તિમિર” હાલત અસાંજી,
ધુખી પિઈ બે કુરા હિકડ઼ે કુરા ઠારઈ નં ઠારઈ.

[બંધ-લગાગાગા, લગાગાગા,લગાગાગા,લગાગા.]
: રવિ પેથાણી “તિમિર”

Leave a Reply