मास्तर डीं जीयुं वधाईंयूं
मास्तर
घरथी जुंढा थिई विनणूं पॅ नीसाड़
वाल वसांया वला असांजा मास्तर
घरथी जुंढा थिई विनणूं पॅ नीसाड़
वाल वसांया वला असांजा मास्तर
एकडे एकथी बाराखडीजी जातर
ई सिखांया वला असांजा मास्तर
रमंधे भणंधेने वध्या असीं इगीया
पकल करांया वला असांजा मास्तर
संस्कृती ने सन्मानजी वाटतें हलेला
डिस वतांया वला असांजा मास्तर
इनीवट सिखी कईक अभके छूंएता
वडा भनांया वला असांजा मास्तर
न भुलज वसंत इनीजा ही उपकार
हींयू छिलांया वला असांजा मास्तर
– वसंत मारू… चीआसर
———————————————
🙏 मास्तर डीं जीयुं वधाईंयूं 🙏
अशाढी बीजजी घणें वधायुं 🍨 साल मुबारक!
कच्छी नउं वरे
———————
बीज जे चंधरतां आसाड उतरे,
पालर वडरें जे पडरेंतां नितरे.
———————
बीज जे चंधरतां आसाड उतरे,
पालर वडरें जे पडरेंतां नितरे.
कामाय डिसीनॅ वग઼डो पाछो वरे,
खेतर खिली खीडू઼एं के नૉतरे.
न्यारे इंधरलठके नॅ रण प्यो ठरे,
मॅनथ भेराभेर, माडू઼ मन जोतरे.
चૉपा चरॅं जीव मातर सौको परे,
तराके करे तिलक टुबण पिई तरे.
नयें वरेमें, कच्छी नईं आस भरे,
मोरजी पीछीसें नां चितर चितरे.
अमृताबा डी.जाडेजा.
तुंबडी कच्छ
वाजिया घिउं
वाजिया घिउं
———————-
बाई मानी घडींधी वी वाजियॅ घिउंजी
ने, मिठास भिरधीं वी वाजियॅ घिउंजी
सीरोॅ, लपई, गोडपापडी लडूला डारा
बुसकार अचींधी वी वाजियॅ घिउंजी
घणें बाचका भरया हूंधा वा हटतें
चकीते पीसाई थींधी वी वाजियॅ धिउंजी
जुवार, बाजर, रतड, रता वाजिया
खाणपीणी हूंधी वी वाजियॅ घिउंजी
‘केतु’,डॅसी गुड,घॅ भॅरी भनें मिठाइयूं
बरूंकाई डिसांधी वी वाजियॅ घिउंजी.
केतना छेडा ‘केतु’
लियार जी
लियार जी🍒 लियारसे लेचॅली डाळ,*
*ने भतार 🍱भेगी डुंगरी जी पाळ,🧅*
*माटीजी थधी मखण वारी छाय,*
*डॅसी हॅनिके मठी भोख लगी आय.*
*तराजी पार मथा….थधो वा वेठो वाय,*
*माडी जे हथजी मानी निरांते खाय,*
*नॅमजी🌳 छाई में लाट नॅधंरजा😴 झोकां खाय,*
*उठी ने पोय खीर वारी खपॅ कडक चाय.☕*
*समये संभरे हि डीं अना भोलाणुं नाय,*
*नर चे हॅडी गामडेजी मझा शेर मॅ नाय.*
*ने भतार 🍱भेगी डुंगरी जी पाळ,🧅*
*माटीजी थधी मखण वारी छाय,*
*डॅसी हॅनिके मठी भोख लगी आय.*
*तराजी पार मथा….थधो वा वेठो वाय,*
*माडी जे हथजी मानी निरांते खाय,*
*नॅमजी🌳 छाई में लाट नॅधंरजा😴 झोकां खाय,*
*उठी ने पोय खीर वारी खपॅ कडक चाय.☕*
*समये संभरे हि डीं अना भोलाणुं नाय,*
*नर चे हॅडी गामडेजी मझा शेर मॅ नाय.*
मनमें भरी
*तान्का*
मनमें भरी
हलनेंप्यो त मिडे
ई जॅर आय
सोणी नें कढी विजे
त लीलालॅर आय
– वसंत मारू… चीआसर
मनमें भरी
हलनेंप्यो त मिडे
ई जॅर आय
सोणी नें कढी विजे
त लीलालॅर आय
– वसंत मारू… चीआसर
जुको पारखू आय
जॅंके कीं परख नांय
इनजे वखाण थी
संभारी नें हलज
जुको पारखू आय
इनजे मोन थी तूं
वसंत धिरजी हलज
– वसंत मारू… चीआसर
इनजे वखाण थी
संभारी नें हलज
जुको पारखू आय
इनजे मोन थी तूं
वसंत धिरजी हलज
– वसंत मारू… चीआसर
घणें…अईं
*🔹 घणें…अईं
धरध मिंज तां
खुसीयूं बारा घणें अईं
फिटी पिईयूं वाटूं
तॉय टारा घणें अईं
मुंजधल मुंजे पॅआ
मजधार विचमें
पुजणूं वे पार तेंला
आरा घणें अईं
कांसाईयें जी वस्तीमें
हूंधो चुण डींधल
हित जाडें तें पखीयें
जा मारा घणें अईं
अंधारीयें में उली व्यो
चंधर तॉय कुरो
निंढा अभ तें चमकधल
तारा घणें अईं
धोंखो कॅडो घुची वेओ
घा हिकडो तेंजो
ही रांध आय ईनमें तां
वारा घणें अईं
भुछें सें भरॅली
सजी धुनीयां *’कसभी’*
अञां गोते लजों तां
माडू सारा घणें अईं
🔹हरेश दरजी ‘कसभी’
नलीया कच्छ